Tye cik me lobo ma gwoko lobo maa ma makwo lye ni. Dok bene tye cik me cwinyma tye ka notte ikin in ki Lubanga meri.


1. Lubanga omaro in dok bene en tye ki yub maber oi kwo ma meri.

Mar pa Lubanga

Pien Lubanga con omaro lobo kumeno, omiyo iye Wode acel keken, wek dano ducu ma ye en owek to, ento obed ki kwo ma pe tum.Jon 3:16

Yub pa Lubanga

(Rwot Yecu owaco,)”An abino wek gunong kwo, gubed kwede madwong.”Jon 10:10


2. Dano en labal dik opoke woko ki Lubanga, pi man en pe twero ngeyo dok winyo mar pa Lubanga ki yub pi kwone.

Dano en labal

Pien dano ducu gubak\lo pe gio I kom deyo pa Li\ubanga. Jo Roma 3:23

Dano gicweyo me bedo larerm ki Lubanga. Ento en okwanyo yo ma mere cibedo larem ki Lubanga otur woko, Man aye gin ma Jiri lwongo ni bal. Man nyute

1. Ikare ma dano ojemo ikom Lubanga

2. Ikare ma en pe tamo pi Lubanga, ki

3. Ka en pe kwo ma pe atir inyim Lubanga

Dano Opoke Woko

Pien mucara me bal en to (poke i cwiny ki Lubanga). Jo Roma 6:23

Lubanga pe ki bal ento dano lubalo. Tye apokapoka madit ikin jo aryo man. Lacim megu nyuto kit ma dano tye ka teme kwede me oo bot Lubanga, ki me nongo kwo ma pe tum, ki teko ma mere: kwo ki kwo maber, bedo ladini, konyo dano mukene, ento tutine lal nono.

Cik me adek miyo botwa lagam ma cobo peko man…


3. Yecu Kricito aye yo ma dano oo kwede bot Luban-ga. En oto pi wan. Ki bot Yecu iromo ngeyo Lubanga dok iwinyo mar mere kacel ki yub ma en tye kwede pi kwo ma meri.

En oto ka ocer ki I liyel.

Pien Kricito bene yam onene ca pi bal wang, kicel ma otyeko ducu: en ngat ma kite atir oto po jo ma kitgi pe atir, wek omi ekelwa bot Lubanga…1 Petero 3:18

Obedo ka nen botgi tyen mapol pi moko ni etye makwo lacen ki I nge tone. Obedo ka nen botgi pi nino pyerangwen (Tic pa Lukwena 1:3)

En keken aye yo

Yecu odokke iye ni, “An a yo, ki ada, ki kwo: Pe tye ngati mo ma bino bot Won, kono ki I en keken”Jon 14:6.

Lubanga omwona woko apokapoka man ma tye I kin wa ki En ki cwalo Wode Yecu Kricito me too I kon yatarita u kakarwa.

Ngeyo cik adek man pe twero konyo wa …


4. Myero wan acel acel wajol Yecu Kricito calol Lalar ki Rwot; ci watwero ngeyo mar ki yub pa Lubanga pi kwowa.

Myero wajol Kricito

Ento dano ducu ma ceng gujole, ma guye nyinge, omiyogi twero me doko litino pa Lubanga. Jon 1:12

Pien pi kicane omiyo en olarowu pi niye. Man pe otimme pi tic mo ma win wutiyo; meno obedo mot pa Lubanga gire. Pe otimme pi ticwi mo, mumiyo ngat mo owek wakke pire. Jo Epeco 2:8-9.

Watwero jolo Kricito ki lwongo En i kwowa

Pe romo me ye pwony pa Kricito keken. Jolo Kricito keken. Joko Kricito nyutu lokke bot Lubanga ki gin abalawa (tucu bal). Wageno Kricito me bino i kwowa ki me bwoto gin abalawa. Wawek En olok wa kit ma En mito wabed kwede.

Yecu owaco, “Nen, acung I doggola kun adwongo. Ka ce ngat mo owinyo dwana ci oyabo doggola, abidonyo bote … ” Niyabo 3:20.

KWO ALOYA KENWA

KRICITO AYE LOYO

Kom i ker.

Kricito tye woko ki i kwo.

Kricito i ker Kom.

Kom woko ki I ker.

Ikin pwony aryoni mene ma tye ka nyutu kit ma kwo meri?

Lanyut man nyutu kit ma iromo jolo kwede Kricito.


Itwero jolo Kricito Kombedi ni?

Peny En me bino i kwoni. Gen En me timo gin ma En ocicko. En tamo totwal gin ma ibigeno i cwinye pe i lok ma iloko. Onyo itwero lego kitman:

“Rwot Yecu, amito in. Ibedi ka loyo kwo ma mera ci abalo boti. Apwoyo in pi bwoto bal mera. Bin ikwo ma mera ci ilo kwona bene. Lok an abed kit dano ma in imito. Amen”

Lega man tye ka nyuto miti ma tye i cwinyi?

Ka tye ka nyutu miti, legi lega man kombedini. ci Kricito bi bino ikwoni. kit ma En ociko.


Kit me ngeyo ka Kricito tye i kwoni

• Pudi ijolo Kricito ajola i kwoni? Ikit ma En ociko kwede i Niyabo 3:20, Kricito koni tye kwene?

• Kricito awaco ni En bi bino i kwoni. En pe twero lokko goba boti?

• Ingeyo ningning ni Lubanga ogamo lega ma meri? (Pien igeno Lubanga ki lokke.)

Baibul ociko kwo ma pe tum bot dano ducu ma jolo Kricito.

Lubana dong omiyowa kwo ma pe tum, dok kwo meno tye i Wode. Ngat ma tye ki Wod tye ki kwo, ngat ma pe ki kwo, ngat ma pe ki Wod pa Lubanga, pe tye ki kwo. Acoyo lok man botwu, wun jo muye nying Wod pa Lubanga, wek wunge ni wutye dong ki kwo ma pe tum 1Jon 5:11-13

Pwo lbanga nino ducu pien kricito tye i kwoni. En owaco ni en pe bi weko in ( Jo Ibru13:5 ). Itwero ngeyo ni Kricito kwo i komi doki nii i tye ki kwo ma pe tum pien En ociko kumenu.

Tam kono?


Pe Igen tam ma meri

Lakricitayo kwo ki niye i kom Lubanga ki gin ma En loko i Baibul. Gicike ilok pa Lubanga en aye twero ma mewa.

Cal me gaar man tye ka nyuto kit ma ada me Baibul, niye ki Tam woto kacel i kwo pa Lakricitayo.

1. Ada tye ki teko me terowa.

2. Waribe ki teko pa ada ki niye.

3. Kit ma wa woro ada, tamwa ma lubowa i yoo atir.

4. Wa geno Lubanga ki ada mere, pe tam ma mewa.


Kombedi kit ma dong ijolo Kricito

Ikare ma ijolo Kricito, jami mapol otime:

1. Kricito obino i kwoni. Niyabo 3:20 ki Jo Kolocai 1:27

2. Bal ma meri gibwoto woko. Jo Kolocai 1:14

3. Idoko latin pa Lubanga. Jon 1:12

4. Ibicako ngeyo yub pa Lubanga ki gin ma en mito pi kwo ma meri. Jon 10:10 ki 2Jo Korinto 5:14, 15, 17.

Itwero tamo pi gin mo maber ma romo time boti ma loyo jolo Kricito?

Imito pwoyo Lubanga i lega icaa man pi gin ma En otimo ikwo meri? Miyo pwoc bot Lubanga nyuto niyr meri. Walegu.

Kombedi ngo?


Kit me dongo me Cwiny

Macalo lakricitayo, mito i dong. Tam magu twero konyo in.

1. Citi bot Lubanga ki lega nino ducu. Jon 15:7

2. Kwan lok pa Lubanga nino ducu. Tic pa Lukwena 17:11. Cak ki Jiri pa Jon.

3. Winy cik pa Lubanga, kare ki kare. Jon 14:21

4. Bed lacaden pa Kricito ki kwo wa ki lok ma meri. Matayo 4:19; Jon 15:8

5. Gen Lubanga i kwo ni ducu. 1Peter 5:7

6. Bed ki teko pa Lubanga, wek olo kwoni nino ducu ki caden. Jo Galatiya 5:16,17 ki Tic pa Lukwena 1:8


Kanica pire tek

Ka yen tye kacel, gi wang maber Ket dog yen acel i ka ma ngic ci mac ce cako too. I kit yoo acel ni, bi bedo tek boti me kwo kwo pa lakricitayo in keni.

Pien pire tek mada ni ka iribe ki jo mukene ma gujolo Kricito ma calo Rwot ki Lalar ma megi.

Omyero iciti i kanica ka ma dano ye ni Jiri en ada, doki ka ma kricito giworo iye. Jo Ibru 10:25


ADDITIONAL ASSISTANCE