Kijeni oni irotin lukipedoria ayongite ka amina ikauriakawok. Ejaas da irotin lukipedoria oni ayongite ka amina Edeke.

1. EDEKE LOKOLO KISUBUNI IJ0 KIMINA IJO NOI. IDO EJAAS NGESI KAITEMOKINET NAKAUMOKIN KANUKA AIJARAKON.

AMINA NAKA EDEKE MAMAKON

"Naarai komina Edeke akwapin noi, abu da koinak Okokuke loteluna, tetere nginitunganan yeniyuuni nges kinye amudiario, konye kojaas kaijar naka ikar kere."
Yokana 3:16

AITEMOKINET NAKA EDEKE KANUKON

(Yesu nges inera) "Abu eong kabu tetere ejaunete kaijar, ejaunete da kanaedeparit," (aijar naileleba aiyalama kainapakin).
Yokana 10:10

Kanukinyo mam itunga luipu ejaatar kaijar naedeparit? Naarai...


2. ERAI ITUAN IKADIAKANARAN IDO ABU KOGITAR KANEEJAI EDEKE.

Kanukangun mam epedori ajaut toma amina naka
Edeke kajenun aitemokinet naka Edeke kanuka aijarake.

ERAI ITUAN IKADIAKANARAN

"Naarai adiakasi itunga kere, ido mam edolokinito aibuses naka Edeke."
Iromayon 3:23

Abu Edeke kosubu ituan tetere idicasi ituan kanges, konye abu ituan koseu apaar alosite orotoke bon konangi do eidicaneke ka Edeke. Kwape anangia eidicane lo, emwangit ituan Edeke, iswamai nu ekot eketau kere ido mam epodokit nu inera Edeke. Nu kere itodunitos ibore yen enyaritai koBaibuli ebe adiakar.

EGITARA ITUAN KAMA EJAI EDEKE

"Konye apotu numam adolitekus kogitasi yes ka Edekekus, kibwaata akusironisio akekonyen kamakus, tape engeri apupun."
Isaya 59:2

image1

Erai Edeke Lokalaunan. Erai ituan ikadiakararan. Kidingikec ejai atiaketait naepol. Atiaketait na nges adiakar naka ituan. Aputo na itodunit ituan etamit adolokin Edeke kitwasamai agogonguke bon. Etami araut ituan yenejok, acoite atupite ediini, aingaranakin luce. Kwape kianyunia kotoma aputo, nu kere mam ingarakinete nges adolokin Edeke kanuka akediakar.

Akirot nakiuniet nges kiteienikini oni erot ediopet bon loipedoria adolokin Edeke ...


3. YESU KRISTO NGES BON EINAKIT EDEKE KANUKA ALEMAR ADIAKAR NAKA ITUAN

Kotomake ipedori ijo ajaut toma amina naka
Edeke kajenun da aitemokineteke kanuka aijarakon

ABU YESU KOTWANA KANUWOK

"Abu Ngesi (Yesu) elopet kibwok adiakanaretawok, kakuanake kokitoi, tetere kitwaki kama ejaas adiakanareta kajarata mama ejai adolit."
1 Petero 2:24

EJARI YESU LOLO

"Abu Kristo kotawna kanuka adiakanaretawok kwape ejaatar nuiwadikatai, aponi konukai, aponi kitajarunai kapaaran kanakiwuniet, kwape ejaatar nuiwadikatai."
1 Ikorinton 15:3,4

YESU BON NGES EROT LOKITODOLI MAMA EJAI EDEKE

Kotema Yesu nges atiar, "Arai eong erot, ka abeit, ka aijar da; emamei yenebuni mama ejai Papa dimikito itori tomakang."
Yokana 14:6

image2

ltuan ilope bon mam epedori adolokin Edeke, kanukangun abu Edeke kijuku Okokuke Yesu Kristo atwanare komusalaba kanuwok. Kwape itodunitor aputo na kipedori do kwana oni adolokin Edeke, ketoritos neejai Yesu.

Mam edolit aijen akiro nu auni bon. Akirot nakiwongonet nges kitodikini oni nuibusakinit aswam . .


4. IBUSAKINIT NGINITUNGANAN KANUKENG AISUKUNYUN YESU KRISTO KWAPE EKETAJARANIKE.

Kicamaki nges aipuga aijarawok, kinyakuni oni toma amina naka Edeke kaisipedor oni ajenun aitemokinet naka Edeke kanuka aijarawok.

IBUSAKINIT ONI AISUKUNYUN KRISTO

"Konye ngul kere lukisunyunete Nges, koinak apedor araun idwe luka Edeke, kes ngul luiyuunito ekekiror."
Yokana 1:12

KISUKUNYUNI NGES KOTOMA AIYUUN

"Naarai asianut nges kitajari yes kanuka aiyuun, kwambo mam kebuni kamakus, nges ainakinet naka Edeke, mam kebuni kanuka aswamisio, kinyek itunganan kere aolobobotor." Ipeson 2:8, 9

KISUKUNYUNl YESU, KINYARAUNI NGES KOBU TOMA AIJARAWOK

(Ebala Yesu ebe) "Koany abwoi kokek ekungukungi; arai epupu itunganan kere ekaporoto, kongaa da ekek, alomari mamakeng." Apukokinio 3:20

AISUKUNYUN YESU IMORIKIKIT:

  1. Acamun ebe irai ijo ikadiakanaran ka aibelokin anyoun kotoma adiakanaretakon.
  2. Amunokin Yesu aisioni adiakanaretakon kere.
  3. Ainakin aijarakon kere neejai Yesu tetere Nges ipugai aijarakon, kaitaraun ijo ituan yeniswamai nuekoto Ngesi.

Mam edolit acamun nu bon. lbusakinit oni aingic aijarowok


AIJAR NAKA ITUNGA EPUTOS KA ITOGOI LU IAREI

image3

ITUAN YENIMAM ISUKUNYUNIT
YESU TOMA AIJARAKE

Ituan yen ilopet nges eyait akeijar.
Ejai Yesu klnga naka aijarake.
Kanuangun emamei ainapakin
kaiyalama kamake.

image4

ITUAN YENESUKUNYU YESU
TOMA AIJARAKE

ltuan yen acamaki Yesu ayait
akeijar. Kanuangun ejai ainapakin
nakabeit kaiyalama nakabeit
mamake.

Alibo kotogoi kalu eputos kaijarakon?
Alibo etogo ikoto ijo koputos kaijarakon?
Nuetupakinito kane itejenunitos epone loipedoria ijo aisukunyun Yesu.


IPEDORI IJO AISUKUNYUN YESU KWAPE KWANA KOTOMA AILIP

(Ailip nges einer ka Edeke)

Kilip Yesu kolom toma aijarakon. Komunokin Nges kitodolik ngin naesumunit Ngesi. Ejeni Edeke etaukon, ido epodo Ngesi noi nuitei kotaukon adepar akiro nuinera ijo kotoma ailip kon. Ipedori ailip kwanata:

Ejakait Yesu, ajenu ebe ayait lem eong bon aijaraka ido adiaka kamakon. Eyalama ijo atwanikin eong kanuka aisioni adiakanaretaka. Angaikini ijo ekek loka aijaraka. Koya aijaraka ido koinakinai aiswamaenen duc nuikoto ijo. Eyalama ijo apupokin akailip ido kanu ijo alomun toma aijaraka. Amen.

Ailip na, ingarakinit ijo alimokin Edeke nuipuda etaukon? Arai erai kwangin, aso kilip ailipasit na kwape kwana, tetere Kristo elomuni toma aijarakon kwape kisumunitor Ngesi.


ISUMUNIT EDEKE AINAKIN AIJAR NAKA IKAR KERE MAMA EJAAS NGUL LUISUKUNYUNETE YESU KRISTO

"Abu Edeke koinak oni aijar naka ikar kere, ejai da aijar ngin toma Okokuke (Yesu). Yenejai Okoku, ejai da aijar; yenemanei Okoku loka Edeke emamei aijar. Kewadikak yes nu tetere ijenete ebe ejai yes aijar naka ikar kere, ngul luiyuunito ekiror loka Okoku loka Edeke." 1 Yokana 5:11-13

EPONE LOIJENUNA IJO EBE EJAI YESU KRISTO TOMA AIJARAKON

Ibu ijo kisukuny Yesu tcma aijarakon? Kotoma aisumuneteke kotoma Apukokinio 3:20, aibo kwana ejai Kristo? Abu Kristo kobala ebe ebuni toma aijarakon. Epedori kereka Ngesi aingalakin ijo? Inyobo kiinakini ijo ajenun ebe abongoki Edeke ailipasit kon? Kanuka amunonut naka Edeke elopet ka naka Akekirot. Kimalaenenei Edeke duc naarei ejai Kristo toma aijarakon ido mam cut kinyeikini ijo (Matayo 28:20). Ipedori ajenun ebe ijaasi ijo kaijer nakar kerere ageun kapak kangin nainyaraunia ijo Yesu kobu toma aijarakon.


KWAPE KIDAUNIA IJO AISUKUNYUN KRISTO TOMA AIJARAKON

Nakisukunyuna ijo Yesu, ipu iboro luapotu kojaunos toma aijarakon, kwape luetupakinito:

  1. Abu Kristo kolomu toma aijarakon (Apukokinio 3:20 ka Ikolosain 1:27)
  2. Aponi kisionoi adiakanaretakon (Ikolosain 1:14).
  3. lbu ijo koraun ikoku yenika Edeke (Yokana 1:12).
  4. Kigeuni ijo ajenun aijar naedeparit naesumunit Edeke kanukon kajenun da aitemokinetake kanuka aijarakon (Yokana 10: 10 ka 2 Ikorinton 5:14,15,17).

Iwomit ijo ebe ejai ibore yenejok atakanun kotoma aijarakon adepar aisukunyun Kristo?

Ikoto ijo aimal Edeke kwape kwana kotoma ailip kanukangun nukiswamak Ngesi ijo?

Aimal Edeke itodunit aiyuun kon.


EPONE LOIPEDORIA IJO APOLOO KOTOMA OMOYO

"Ejari ikadoliton kanuka aiyuun" (Igalatian 3:11).

Aijar na nÓ╣âkitetet erai naka aiyuun ido nakainakite Edeke aijarakon kere. Ido nuepolok kes nu:

  1. Kinerananas ka Edeke nginipaaran kotoma ailip (Yokana 15:7)
  2. Kosiomenenei Akirot naka Edeke (Ebaibuli) nginipaaran. (Aswamisio 17:11). Ipedori agear koitabo loka Yokana.
  3. Koricite aicorakineta nuka Edeke nginipak kere (Yokana 14:21)
  4. Koraun ikajenan ka Yesu kotoma aswamisinei kon ka einer kon kere (Matayo 4:19 ka Yokana 15:8).
  5. Komunonena Ejakait Edeke kotoma oboro kere (1 Petero 5:7 ka Awaragasia 3:5,6).
  6. Kocamak Edeke kitogogongite ijo ka Emoyoke Lokalaunan kotoma aijarakon kere naka nginipaaran, kotoma da alimonokin luce kojenutu Yesu (Igalatian 5:16,17 ka Aswamisio 1:8).?

NU EPOLOR ATUKONOKIN NAKA IKRISTAYON

Kilimokinit oni Ebaibuli ebe kenyeis apalun atukonokin kaluce Ikristayon (Iburaanian 10:25).

Arai etukokinitai apungurei toma oupa enokete noi. Konye kelemun adiopet kakesi kosodete aibwaikin owaike bon edungiori katipet. Kwape kwangin etiono ituan apolo kotoma Yesu arai ketiakar kotoma atukot.

Kolosenenei Okanisa ne einakitere Kristo akeibuses ido ne elimonokinere Akekirot. Kotukonokin ka itunga luce luejenete ebe erai Yesu Eketajaranikec.

ADDITIONAL
ASSISTANCE