[Read the Four Spiritual Laws in Your Language ]

"Cunjamatejj acapachanjja take cunas sarañaparu sari, uqhamaraquiw ajayun leyinacajj utji, Diosan jac'apancañasataqui.

MAY ïR LEY
DIOSAJJ MUNTAMWA;
UCATWA MN SUMA THAQUI WAQUICHI
JACÑAMATAQUI.

(Aca folleton Bibliata uchatáqui ucanacasti, waquischi ucapachajja Bibliat leet'atäñapawa).

DIOSAN MUNASIÑAPA:

"Diosajj aca mundor wal munatap laycuw mä sapa Yokapar qhitani, take qhitinacatejj Jupar creepqui ucanacajj jan chhakhañapataqui, jan ucasti wiñay jacañanïñapataqui" (S. Juan 3.16)

DIOSAN AMTÄWIPA:

(Cristojj siwa:) "Nayajj juttwa jacañanïpjjañamataqui, uqhamarac jilarquir jacañanïpjjañamataquiraqui" (Uca jacañasti phokhata, uqhamarac mä sapa ampañaniraqui). (S. Juan 10:10).

Ucampis walja jakenacaw jan uca suma jacañ jicjjatapquiti.
¿Cunatraqui jan jicjjatapjjapacha?

PAYïR LEY

JAKEJJ JUCHARARAWA, DIOSATSA JAYANWA UÑJASI, UCATWA DIOSAN MUNASIÑAPA, AMTÄWIPSA JUPA PACH PATAC JAN UÑT'CASPATI.

JAKEJJ JUCHARARAWA:

Jakejj uchatawa Diosamp sumancañasataqui. Ucatsipan jakejj ampañaparjam luratap laycojja, jucha lurañ thacwa ajllisi. Ucatwa Diosamp sumancañapajj t'akjata. Amtañarjama sarnakañasti juc'a lurañansa, walja lurañansa Bibliajj khananchiwa juchätapa.

"Ucatsti jaken jucha lurapjjatap laycusti Diosampejj janiw catokatäpquiti" (Romanos 3:23) "Maynitejj Diosan Take leyipar phokechi ucajja, ucampis mä mandamientoru jan phokccli ucajja, takpach mandamientona--catwa juchanchata".
(Santiago 2:10).

JAKEJJA DIOSATJJA JITHEKATAWA:

"Juchan pagopasti jiwañaquiwa... (Romanos 6:23)

Diosat jithekatatjja acanacaw utji: llaquisiñanaca, colerasiñanaca, uqhamarac jan cuna amtäwini jacaña. Ucjjarusti jan wali lurañanacaw utjaraqui: jake jiwayaña, adulterio juchan sarnakaña, lunthatasiña, c'arisiña, yakhanacampi. Diosajj santowa, jakesti jucharara. Uca laycusti mä jach'a abismjamaw jalji. Jakesti quicpa luräwipampiw Diosarusa, suma jacañsa jicjjatañ muni ch'amap toke, uqhamarac cunay-man religionanac toke, jaken amuyt'anacap tokeraqui, yakhanacampi.

Quimsïr leyïqui ucaw jiwasar aca toket sum amuyt'ayistaspa,


QUIMSïR LEY

JESUCRISTO SAPA TOKEQUIW JAKEJJ DIOSAR JAC'ACHIASISPA.
JUPANACWA DIOSAN MUNASIÑAPA, SUMA THAQUIPSA JICJJATASPA.

CRISTOW JIWASANAC LANTI JIWAWAYI:

"Ucampis Diosajj munasiñapwa uñacht'ayistu, cunapachatejj ji wasanacajj juchanïscäyätan ucapachaw Cristojj jiwasanac laycu jiwawayi" (Romanos 5:8)

"Cristo quipcaraquiw juchanacas laycojj t'akhesiwayejj jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayejja, jiwasar Diosar irpañataqui..." (I Pedro 3:18)

CRISTO SAPAQUIW THAQUEJJA:

"Jesusajj saraquiwa: Nayätwa thaquejja, chekasa, jacañasa. Na ya tokequiw Awquin ucar puriñajj utji" (S. Juan 14:6)

Diosajj passuniwa uca jach'a abismojj jiwasampi Jupampi Jaljquistäna uca, Jesucristo Yokapa toke jiwasanac lanti cruzan jiwatapampi.

Janiw aca leyinacacti uñt'añasäquejja, ni alek iyawsañaquisa...


PUSïR LEY

SAPA MAYNIW JESUCRISTORU TATITUSATA, KHESPIYIRISATA-
CATOKAÑASA, UQHAM TOKETACWA UÑT'SNA, YATIRACSNA DIOSAN MUNASIÑAPA, UQHAMARAC DIOSAN AMTÄWIPA JIWASAN
JACAÑASATAQUI.

CRISTOROJJ CATOKAÑASAWA:
"Ucampis Jupar catokapqui iyawsapcaraqui ucanacarusti, muna ñanïñwa churi Diosan wawanacapa tucupjjañapataqui" (S. Juan 1:12) Cristor catokañasti ajay token naciñawa (S. Juan 3:1-8)

CRISTOROJJ IYAWSAÑ TCKEW CATOKAÑA:

"Diosan munasiñapatwa jumanacajj khespiyatäpjjtajja iyaw'sañ laycu. Acasti janiw jumanacan laräwinacamäquiti, jan ucasti Diosaw jumanacaru churapjjtam. Janiraquiw cuna luräw tokëquisa, uqhamat jan qhitis jach'achasiscañapataqui" (Efesios 2:8,9)

CRISTOROJJ CATOKTANWA JUPAN JIWASAR INVITATAP TOKE

(Cristojj jumarojj invittamwa) "Acajjay Nayajj puncuncasctwa, lek'escaractwa. Maynitejj arojj ist'asin jist'aritanejja, Nayajj jupan ucaruw mantä..." (Apocalipsis 3:20) Cristor Catokañasti Diosar Cutcatjjañawa, Cristor confiasisa Jupajj jacañasar mantasinjja juchanacas perdonañapataqui, uqhamarac Jupajj munañaparjam jiwasanacar apnakañapataqui. Janiw alek patjja chuymampi iyawsaña yatiñäquiti, jan ucasti chuyma mankhetawa.

Aca pä toketsti amuyt'añäniwa pä casta jacäwinacata:

NAYAN APNAKAT JAKE CRIST0N APNAKAT JAKE
N NAYA ucaw chuyman Cristow chuymancjje reinasqui
Cristojj janiw jaken chuymapancquiti. Take luräwinacajj wiñay Diosan apnakatawa, ucatsti takes chekaparuw sari.
Naya ucampi apnakatasti take amtäwinacajj ina quitthapitaquiwa. N Naya ucasti janiw chuymancjjetti apnakañataqui.
¿Cawquïris juman jacäwimataquejj walïspajja?

JUMAJJ JICHPACHAW CATOKASMA ORACION TOKE.
(Oración Sañ muni Diosampi parlaña)

Diosajj chuymamjja uñt'iwa ucatsti janiw ancha munquiti juman arunacamjja, jan ucasti cunjamas chuymamajja ucwa muni. Waquisispawa aca aynachancqui uca oracionar uñtatjama oración luraña.

"Tatit Jesucristo nayajj munsmawa. Nayajj chuymajjwa jist'arsma, ucatsti catokcsmawa nayan Khespiyir Tatitojjata. Yuspagarsmawa jucha-Jumajj munañarmar tucuyasjjeta"

Aca oraciónjja ¿chuymaman munañaparjamati arstajja?

Uqhamächi ucajja, aca oración jichpach luram, ucatsti Cristojj jacañamaruw jutani, cunjamatï Jupajj arsuwayqui uqhamaru phokhasina.

CUNJAMATSA YATISMA CRTSTOJJ CHEKPACHANA JUMAN JACATAPJJA:

¿Jumajj Cristorojj invittajjaya chuymamar jutjjañapataquejja? Criston arsutaparjama Apocalipsis 3:20 ucanjja Cristojj ¿chuymamanquiti janicha? Jupajj arsünwa chuymamar mantaña. ¿Jupajj engañiristamti? ¿Cunjamatsa jumajj yatisisma Diosajj oracionamar contestatapjja? (Dios pachpan phokherïtapana, uqhamarac arunacapana).

BIBLIANJJA JICJJATASIWA WIÑAY JACAÑ CATOKANA, QHITINACATEJJ CRISTOR CATOKAPQUI UCANACANA:

"Aca khananchäwejja, Diosajj wiñay jacañ churistu ucawa: aca wiñay jacañasti Yokapanquiwa. Qhititejj Diosan Yokaparojj catokqui ucajja wiñay jacañaniwa (jichpacha); ucampis qhititejj Diosan Yokapar jan catokqui ucajj janiw wiñay jacañanïquiti. Acjja kellkanipjjsmawa Diosan Yokapar creepcta ucanacaru, wiñay jacañanïpjjatam yatipjjañamataqui".

AQHAMANAC LURASINWA MÄ CRISTIANOJJ JILTASPAJJA
Ajay token jiltañasti Cristor confiasiñanwa utji.

"Qhititejj Diosampi catokatäqui ucajja iyawsañ tokew jacani" (Gálatas 3:11). Iyawsañampi jacañanwa ch'amanchätam juc'ampi sapa cuti Diosar confiasiña, take cunana jacañamana. Acana--cay luram:

Sapüru Diosampejj oracionaman parlasim (S. Juan 15:7)

Sapüruraqui Biblia leesina estudiam (Hechos 17:11) Kalltam Evangelio San Juan librompi.

Jacañamanjja Diosarupiniw take cunansa confiäta (I Pedro 5:7)

Criston Espiritupampi phokt'atämaya - Jumajj munapunim Jupajj juman jacañapa.

Mayninacarusti Cristot parlam, uqhamarac jacäwimansa iyawsañama uñacht'ayam (S. Mateo 4:19; S. Juan 15:8)

Diosarusti sapa horasanwa obedecïta (S. Juan 14:21)

IGLESIAR SARAÑAJJ ASQUIWA

Biblianjja yatichistuwa (Hebreos 10:25) ucanjja aqhama: "Janiraquiw tantachasïwinacasat faltasiñasäquiti..." Cristianonacajj mä sanc'ar uñtataw naqhapjje, cunapachatï mayar tantacht'asitäpqui ucqhajja. Cunapachatï mä cristianojj tamat khepari ucqhajja, mä sapa sanc'ar uñtatjamaw jiwari. Jumatejj sapa cuti jan sarcäta iglesiar ucqhajja, jan suyamti maynin invitayasiña, jan ucasti juma pachpa luram. Jawsayam, jan ucajj saramsa visitiri Diosan sirviripan ucaru, cawquïri iglesiatejj jac'ancqui, ucan parlasi Cristota Jupar jach'achasina ucaru. Jichpach uqham lurañataqui amtasim, jutir domingo-ta kalltasina sapa semana sarañataqui.

¿Cristot uñt'atamatjja mayninacar parlañ muntati?

ACA FOLLETOJJ JUMAN AMUYT' ASINAMATAQUEJJ MÄ YANAPAWA

Aca costa folletonacajj: "Pusi leyinacjjata" ucajj millonanacaw laquinokata aca mundona walja casta parlanacata. Uqhamatjja walja waranka jakenacaw Diosar uñt'jjapjje, yuspagartanwa Jesucristor mä sapa Yokapar regalo churatapata. Yatipjjaractwa, cunapachatï jakenacajj Diosar uñt'añat yatipjje ucqhajja, waljaninacaw cristianöjjaña munapjje.

Aca folletotejj jumar yanapstam Cristor uñt'aña ucajja, nanacajj invitapjjsmawa mä carta apayaniñama, cunjamasa machak jacañancjjta Cristompejja uca yatiyasina. Ucatsti manacajj cusisit chuymampiw jisct'anacamar contestapjjäma, uqhamarac yatiyapjjäma walpacha cunjamsa ajay token jiltasma uca toketa. Bibliat estudiañataquisti walja libronacaw utji, uqhamarac cunjamsa mä cristianojj ajay token jiltaspa uca toketsa. Churañataquisti listoquiwa, cunapachatejj mayitäni movimiento universitario "Alfa y Omega" acaru.

Casilla 819 - Teléfono 2761 Cochabamba - Bolivia.
Casilla 1490- Teléfono 2-7257 Santa Cruz-Bolivia.
EX. 1688 Teléfono 2-8686 La Paz-Bolivia.

ADDITIONAL ASSISTANCE

If you've just asked Jesus Christ into your life, please click here and tell us about it. We would love to hear from you and help you grow in your faith.

If you still have a question, please click here.

 © 1995-2001 Campus Crusade for Christ International
Questions and Comments are always welcome!
http://www.4laws.com/laws/aymara/default.htm
webmaster@jesuswho.org last updated: 18-08-2006