BUSHE WALISHIBA
ifintu fine ifingalosho muntu ku mweo wine wine?

[Read the Four Spiritual Laws in Your Language ]

Pano isonde apo twikala ifintu fyonse fyendela umwalola umafunde ayo Lesa afipagile, Ni fyo fine mu fintu fya kwe Lesa mwaliba amafunde ya kututeka.

1
IF UNDE LYA KUBALILAPO.

LESA ALIKUTEMWA, ALEKUTAMBIKE NSHILA IYAWAMISHA IYO AKUTEYANISHISHA.

 

UKUTEMWA KWA KWA LESA.

"Pantu Lesa atemenwe aba pano isonde ukutemwa kwa kuti apele Umwana wakwe uwafyalwa eka, ukuti onse uumutetekela eonaika, lelo abe no mweo wa muyayaya."
Johane 3:16

UBUTEYANYO BWA KWA LESA.

Kristu atile: "Ine ninjisa ukuti babe no mweo, umweo wine uwacilamo."
Yohane 10:10

No mba te bonse baishibo mweo uno uwine wine. Wala mona icalenga.


2
IFUNDE LYA BUBILI.

ABANTU NI BAMPULAMAFUNDE, ABAPULUMUSHI, KABILI BALIPATUKA KULI LESA. E ICO BAFILWO KWISHIBA INSHILA IYO LESA ABATEYANISHISHA.

ABANTU BALI NE MIBELE YA BUBIFI.

"Bonse nababifya, kabili bapelebela ku bukata bwa kwa lesa."
Roma 3:23

Lesa abumbile abantu ukuti bomfwane nankwe bwino bwino. Lelo basalile ukuyendela fye, na bucibusa bwaliputwike palya pene. Baibele ati ici cintu e bupulumushi. Cailanga (1) ilyo abantu basangukila Lesa, (2) ilyo tabasakamana Lesa nangu kuposapo amano, (3) ilyo mu mikalile yabo tabekala ukulingana ne cipimo ca kwa Lesa.

ABANTU BALIPATUKA KULI LESA.

"Icilambu ca bupulumushi ni mfwa" (e kutila ukupatuka na Lesa).
Roma 6:23

Lesa wa mushilo; abantu balibipa. Bali-talukana sana na Lesa. Imifwi twashila apa yatulanga ifyo abantu besho kufika kuli Lesa mu maka yabo abene kabili mu misango iyalekanalekana, awe yonse yaleuka fye.

If unde lya butatu e lingatupikuwilo bwile ubu. Walalimona.

3
IFUNDE LYA BUTATU

YESU KRISTU E NSHILA IMO MPO IYA KUFIKILA KULI LESA. ALITUFWILILE. MULI WENE E MO WINGAMWISHIBILA NO KUTEMWA KWAKWE, NO KWISHIBE NSHILA LESA AKUTEYANISHISHA.

ALIFWILE NO KWIMA KABILI KU BAFWA.

"Pa kuti Kristu aculile aimbifyo umuku umo, uwalungama aculile pa mulandu wa bashalungama, ukuti atupalamike kuli Lesa."
1 Petro 3:18

"Ailangile uwa mweo mu fishibilo ifingi, alemoneka kuli bene mu nshiku amakumi yane, no kusose fya bufumu bwa kwa Lesa."
Imilimo 1:3

YESU E NSHILA IMO MPO.

Yesu atile, "Ni ne nshila ne cine no mweo; takuli uwisa kuli Tata, kano aishila muli ine."
Yohane 14:6

Lesa alipango bulalo ubwa kuti twabukile kuli wene, no bulalo ubu ni Yesu umwine. Lesa atumine Umwana wa kwe Yesu Kristu ku kutufwila pa cimuti capindama.

Tacilingile ukwishiba fye aya mafunde yatatu, kano ukucite cintu walabelonga nomba.

4
IF UNDE LYA BUNE.

BONSE TULI NO KUPOKELELA YESU KRISTU NGO MUPUSUSHI WESU KABILI SHIKULU WA KUTUTEKA. LYENA KUTI TWAISHIBA UKUTEMWA KWA KWA LESA NE NSHILA ATUTEYANISHISHA.

TULI NO KUPOKELELA KRISTU MU CITETEKELO.

"Abo bene abamusekelele, abatetekele ishina lyakwe, e bo apêle amaka aya kuba abana ba kwa Lesa."
Yohane 1:12

"Ni ku kusenamina mwapusukila, pa kutetekela; kabili te cintu cafuma kuli imwe, ca bupe ca kwa Lesa; tacafuma mu milimo, pa kuti umuntu tengatakisha."
Efese 2:8, 9

NI MU KWITA KRISTU ENGILE MULI IFWE KU
KUTUTEKA E MWALOLA UKUPOKELELA KRISTU.

Kristu atile. "Mona, ninjiminina pa mwinshi no kukunkunsha; umuntu nga aumfwe shiwi lyandi no kwisulako ku mwinshi, ndeingila kuli wene."
Ukusokolola 3:20

Tacilingile ukusumina fye ukutila kwena amafundisho ya kwa Kristu ya cine cine iyo. Ukupokelela Kristu calola mu kuti twapilibukila kuli Lesa, e kulapila kwine. Twasûbilo kuti Kristu aleingila muli ifwe no kutweleta amabifyo yesu. Twaipêla kuli wene ukuti atuwamishe imibele pa kuti tube umo afwaila.

Umunti uwiteka
M=Muntu wine e uli pa cipuna
K=Ni Kristu, ali ku nse. 		Umuntu uutekwa na Kristu
K=Kristu ali pa cipuna
M=Nombo muntu tali pa cipuna

Iwe uli mupeto nshi?
Ulefwayo kuti mupeto nshi ulondolole ifyo waba iwe?
Natwendeleleko no kumona umo wingapokelela Kristu.

WINGAPOKELELA KRISTU NOMBA LINE

Umwite engile muli iwe. Umutetekele ukuti alecita ngo mo alaile. Ena tasakamanisha amashiwi ye pepo lyobe, cikulu uli no mutima wa cishinka. Nalimo ulefwayo kupepe fi:

"Mwe Mfumu Yesu, ndemukabila. Mwaliishiba ifyo naleiteka lyonse fye, na kabili nabifya kuli imwe. Namutotela pa kunjelela amabifyo yandi. Iseni muii ine no kulanteka. Muncite mbe umo mufwaila."
Bushe ipepo lino lyasokolola ifili mu mutima obe?

Nga ni fyo fine, pepe pepo ili nomba line, na Kristu kuti aingila muli iwe, ngo mo alaile.

UMWA KUSHININKISHA UKUTI KRISTU ALI MULI IWE.

Bushe nupokelela Kristu nomba line?
Nomba ukulingana no bulayo bwakwe mu Kusokolola 3:20, Kristu ali kwi ndakai line?
Kristu alaile ati, "Nalaingila muli iwe." Bushe alibepele?
Washininkisha shani ukuti Kristu nâasuke pepo lyobe? (Ni co Lesa talaya bufi; kuti wamutetekela ne Buku lyakwe).

BAIBELE ALAYO MWEO WA MUYAYAYA KULI BONSE ABAPOKELELA KRISTU.

"Lesa atupele umweo wa muyayaya, no mweo uyu uli muli Mwane. Uukwete Umwana wa kwa Lesa, akwete umweo; uushikwete Mwana wa kwa Lesa, takwete mweo."
I Yohane 5:11-13

Ilingi uletotela Lesa ico Kristu ali muli iwe. Atile ati, "Nshakakushe nakalya" (Hebere 1 3:5). Ni pa mulandu wa malayo yakwe e po wingeshibilo kuti Kristu ali muli iwe no kuti uli no mweo wa muyayaya.

Ni shani pa fyo uumfwa mu mutima? Walamona.

WISHINTILILA PA FYO UUMFWA MU MUTIMA OBE.

Umweo wa mwina Kristu uli mu kutetekela Lesa ne fyo Lesa alanda muli Baibele. Ubulayo bwa mwi Buku lya kwa Lesa e nsambu tukwete.

  1. lcine ca kwa Lesa cili na maka ya kututungulula.
  2. lfwe twalundaniwa na maka aya ku citetekelo cesu e cilundilô.
  3. Nomba mu kulanakile Cine ca kwa Lesa, nalimo tuleumfwa bwino mu mitima yesu, nalimo iyô.
  4. Tutetekela Lesa ne Cine cakwe, tatutetekela fintu ifyo tuumfwa mu mitima awe. Ifi fintu te mulandu iyô, pantu limbi natusansamuka, limbi ku mutima kwafita. Ico Lesa alaile e cikulu.

NOMBA NAMUPOKELELA KRISTU.

A

llyo wapokefele Kristu, lilya line ifintu ifingi fyacitike:

  1. Kristu aingile muli iwe (Ukusokolola 3:20. Kolose 1:27).
  2. Amabifyo yobe yonse yaelelwe (Kolose 1:1 4).
  3. Waishilebo mwana wa kwa Lesa (Yohane 1:12).
  4. Watendeke ukwishibe nshila iyo Lesa abikile ku ntanshi yobe no mo afwaila ukuti ucite. (Yohane 10:10. 2 Korinti 5:14, 15, 17).

Takuli cimbi ica kucile ci cintu ica kupokelela Kristu; e cacilisha. Bushe taulefwayo kutotela Lesa nomba line pa fyo akucitila? Ukutotela Lesa e kulange citetekelo cobe. Natupepe.

Cinshi cilekonkapo? Mona ku ntanshi.

UMWA KUKULILA MU FINTU FYA KWA LESA.

Nomba uli mwina Kristu, ufwile ukulakula.

Ifintu ifilekonkana pano kuti fyakwafwa:

Ulepepa umo shacela (Yohane 15:7).
Ulebelenga mwi buku lya kwa Lesa inshiku shonse (Imilimo 17:11).
Cawama ukutampa mu Mbila Nsuma ya kwa Yohane. Ulenakila Lesa lyonse fye (Yohane 14:21).
Mu mikalile yobe na mu kulanda kobe ulebe nte ya kwa Kristu (Mateo 4:19. Yohane 15:8).
Uletetekeia Lesa ukuti akwafwe muli tonse (I Petro 5:7).
Leka Lesa akuteke no kukupêla amaka mu milimo yobe iya kumubombela inshiku shonse (Galatia 5:16, 17. lmilimo 1:8).

ICILONGANINO CINTU ICIKULU.

lnkuni nga nashifula pa mulilo, lyena ulaakisha. Nomba nga wasonkololako ulukuni lumo wabika pa mbali lweka bwangu bwangu lwafuke cushi lwashima. Ni fyo fine caafya sana ukutwalilila mu bwina.Kristu nga waenda weka ukwabulo wa kukukoselesha.

Cifwile walundana na bambi abapokelele Yesu Kristu ukuti abe Umupusushi wabo kabili Shikulu wa kubateka. Ufwile walaya ku cilonganino uko abantu basumina ukuti Baibele abo wa cine cine, kabili abantu abalimo banakila Yesu Kristu. (Hebere 10:25)

AKA KATABO NGA CINE CINE CAKWAFWA, CAWAMA WAPELA UMBI, NALIMO UKUMUBELENGELA.

UWAKUPELA AKATABO AKA NI:

LIFE P.O. Box 173, NDOLA, ZAMBIA.

WRITTEN BY DR. WILLIAM R. BRIGHT COPYRIGHT THE LIFE MINISTRY, P.O. Box 21417 NAIROBI, KENYA. ALL RIGHTS RESERVED.

ADDITIONAL ASSISTANCE

If you've just asked Jesus Christ into your life, please click here and tell us about it. We would love to hear from you and help you grow in your faith.

If you still have a question, please click here.

© 1995-2001 Campus Crusade for Christ International
Questions and Comments are always welcome!
http://www.4laws.com/laws/chbemba/default.htm
webmaster@jesuswho.org last updated: 22-01-2007