Brotini her eru
úr Bíbliuni og
eiga at lesast í sínum rætta høpi, har tað ber til.

"Tí so elskaði Gud heimin, at Hann gav Son Sín, hin einborna, fyri at hvør tann, sum trýr á Hann, skal ikki fortapast, men hava ævigt lív" (Jóhannes 3,16).

Ætlan Guds

[Her er tað Jesus, ið talar] "Eg eri komin, fyri at tey skulu hava lív og hava yvirflóð" [at lívið skal vera ríkt og hava innihald] (Jóhannes 10,10).

Hví kenna
flestu fólk onki til eitt ríkt lív?

"Øll hava syndað, og teimum fattast dýrd Guds" (Rómbrævið 3,23).

Menniskjuni vórðu skapt til at hava samfelag við Gud; men av tí at tað altíð skal hava sín egna vilja, valdi tað at fara sína egnu leið, og samfelagið við Gud slitnaði. Hesin eginvilji, sum er merktur av uppreistri og líkasælu, er tekin um tað, sum Bíblian rópar synd.

Menniskjuni eru skild frá:

"Løn syndarinnar er deyði" [andaligur skilnaður frá Gudi] (Rómbrævið 6,23).

Triðja lógin
sigur okkum frá
tí einasta, sum kann gera brúgv yvir um gjónna...

"Gud vísir kærleika Sín til okkara við, at Kristus doyði fyri okkum, meðan vit enn vóru syndarar" (Rómbrævið 5,8).

Hann reis upp frá deyðum :

"Kristus doyði fyri syndir okkara ... Hann varð jarðaður ... Hann reis upp triðja dagin, eftir skriftunum ... Hann varð sæddur av Kefasi og síðani av hinum tólv; síðani varð Hann sæddur av meir enn 500 brøðrum..." (1. Korintbræv 15,3-6).

Hann er einasti vegur til Gud :

"Jesus segði við hann, "Eg eri Vegurin, Sannleikin og Lívið; eingin kemur til Faðirin uttan við Mær"" (Jóhannes 14,6).

Tað er ikki nóg mikið bert at kenna hesar tríggjar lógir ...

"So mongum, sum tóku ímóti Honum, gav Hann mátt at vera børn Guds - teimum, ið trúgva á navn Hansara" (Jóhannes 1,12).

Tað er við trúgv, at vit taka ímóti Jesusi :

"Tí av náði eru tit frelst, við trúgv - og tað ikki av tykkum sjálvum, tað er gáva Guds, ikki av verkum - fyri at eingin skal rósa sær" (Efesusbrævið 2,8-9).

Vit føðast av nýggjum, tá vit taka ímóti Jesusi (Les Jóhannes 3,1-8).

Vit eru persónliga boðin at taka ímóti Jesusi :

[Tað er Kristus, ið talar] "Hygg, Eg standi fyri durunum og banki! Hoyrir onkur rødd Mína og letur upp dyrnar, skal Eg fara inn til hansara og halda kvødmáltíð við honum - og hann við Mær" (Opinberingin 3,20).

Tá tú tekur ímóti Kristusi, vendir tú tær eisini frá tær sjálvum til Gud (tú vendir við), og tú letur Jesus koma  inn í lív títt at fyrigeva tær syndir tínar og gera teg til tað, sum Hann ætlaði við tær. Tað er ikki nóg mikið bert við høvdinum at viðganga, at Jesus er Sonur Guds, og at Hann doyði fyri syndir okkara. Kensluligar upplivingar røkka heldur ikki. At taka ímóti Jesusi í trúgv er ein viljasøk.

Tú kanst taka ímóti Jesus í hesi løtu, við trúgv, gjøgnum bøn (Bøn er samtala við Gud)

Hetta sigur tær, hvussu tú kanst taka ímóti Jesusi

"Harri Jesus, mær tørvar Teg. Takk fyri at tú doyði á krossinum fyri syndir mínar. Eg lati upp fyri tær dyr lívs míns og taki ímóti tær sum Frelsara og Harra. Takk at tú fyrigevur mær syndir mínar og gevur mær ævigt lív. Set teg í hásæti lívs míns. Ger meg til tað, sum tú vilt hava meg at vera."

Sigur hendan bønin frá tráanum hjarta tíns? Bið hana, um so er, og Kristus kemur inn í lív títt, sum Hann hevur lovað.

KUNNANDI TILFAR

Nú tú hevur tikið ímóti Jesusi...

:

Hevur tú ikki útgerð til at fylla hetta út og tó ynskir at fáa kunnandi tilfar, so kanst tú ringja 1-800-235-7255 ella skriva til:

Campus Crusade for Christ International
P.O. Box 593684
Orlando
FL 32859
USA

Gjørd eru umleið ein miljón eintøk av teimum fýra andaligu lógunum, og ynskið hjá Campus Crusade for Christ er, at tilfarið á hesi heimasíðu kemur so víða sum til ber. Bóklingar fáast bíliga, og tað er til øll, sum hava áhuga; bæði einstaklingar og bólkar. Ynskir tú at ogna tær eitt eintak, so kanst tú fara inn á NewLife Publication.

Vit ynskja ikki, at góðskan á hesi heimasíðu skal versna ella innihaldið broytast, og tí er ikki loyvt at endurgeva hana (heldur ikki "mirror-sites") uttan skrivligt loyvi frá NewLife Publications,P.O. Box 593684, Orlando, FL 32859, USA