1.EHILEH OHOHEH
AH' OHEH MIMI O'NWULA ANG O-LA EBIEBI
NO HANG E-EPU NYA OHIHI NYANG
Saji
NYA OHAHA NYA OHEH OLUHYEH
"Odehih ha Oheh Oluhyeh lume inyi a duh ko hwuh Onyewe nyamwu duh wari saji ka ongole ko mi loo le, a ka tayirejih kaka ma ko ka la ohihi omimi ka"
(Jon 3:16).
mimi
ONWULANO NYA OHEH OLUHYEH
Krayist yekee "Owewe nyowa nyi rih o ka ya ohihi omwu aba ba ha anginyi wuuh" (Jon 10: 10)
Ma anginyi wuuh a ti la ohihi omwu aba ba bala ohihi okpipyo ole ka saji....
2.EHILEH OHEEYEH ONGINYI HOO OHOBIRI. OMIMI CHI EBWUOH HIH OHEH OLUHYEH SAJI NYA OWALE O KA JÉE JÉ OHAHA NYA OHEH OLUHYEH
BALA ONWULANO NYA OHIHI NYAMWU KA.
ONGINYI HOO OHOBIRI
"Anginyi wu hoo ohobiri, i-ka ejih la ahi nya Oheh Oluhyeh" (Ala-Rom 3:23).
Oheh Oluhyeh hoo anginyi nya o-ka no epwua boo. Ma onginyi chu ugbeyih nyamwu datii o-walee o-noo epwua bawule ole a chi ebwo le le. O'chu ugbeyih nyahi angi ituka bala angi ichicheh owa Ibii-bu a wuru ohobiri le.
"Ahi hwu-ahi la la ikpilo! Ahi pe hih ugbeyih nya Oheh Oluhyeh nya o ka bu inyahi" (Isaya 53:6).
ONGINYI CHI EBWOH
"Urih nya ohobiri rih igwuh" (ole rih ebwoh ochi-chi nya ugboduh okpukpurwuh bwuh iga nya Oheh Oluhyeh)
(Ala-Rom 6:23).
Ihuoto ole me je yekee Oheh Oluhyeh nyi la igogo-ma onginyi ti rih ongo-hobiri, saji nya oowa le, ebwoh o chi-chi otuka jih epwu ariri nyaa. Icha imiyeh i we me je jaabwo ká onginyi juwa maga nya oka pwu ega nya
Oheh Oluhyeh lilomu bwuh-la: olaa ohihi onyila kem, abwo oriri, I-ichochi okaka, imaje olala ka bala angikila. Ma o chi kpe hoo ka.
Ti ye méh, ehileh ohata me jeehi ugbeyih ookpokpo ole ko kiga nya Oheh Oluhyeh ...........
3. EHILEH OHATA UGBEYI OOKPOKPO OLE Kม ONGINYT KA BWUH PWUU IGA NYA OHEH OLUHYEH KENE KENE A RIH JISOS KRAYIST LELE. O GBUH SAJI NYAHI. BWUH IGA NYAMWU AHI KA LEE JÉ OHAHA NYA OHEH OLUHYEH BALA ONWULANO NYA OHIHI NYAHI.
O GBUH SAJI NYAHI
"Ma Oheh Oluhyeh ayidang ti chi oháha olala otuka nyamwu ole ko la e-ega nyahi wuuh eneh le, Oheh Oluhyeh duh Krayist erwu wari, kaka gbuh wonu nyahi jwuh (Ala-Rom 5:8).
OWULEJIH BWUH LA IGWUH
".... Krayist gbuh saji nya ohobiri nyahi wuuh .... i-jwuh Oo ejih.... O
wulejih bwuh la igwuh la enu uturwu ohata, juwa hihi mimi; jaabwo ki da kpeheh e-epwu nya upwu Igogo eneh eneh inyinyi. (I Kor. 15:3-4).
OWAA UBWUOMU A RIH UGBEYI LEE
"Jisos we bih oo yekee, 'Am kpakpakpa a rih ugbeyi oowa le. Am kpakpakpa a rih Ela nyilehi le. Am kpakpakpa a ti rih ohihi ayidang inyinyi lee. Ongongohe á juwa ole ko ka jé-epwu ega nya Oheh Oluhyeh Adida mi ka ka kene kene, o rih ká ongoowa a bwuh ega nyam eneh le me inyi" (Jon 14:6).
Ihuoto ole me je yekee Oheh Oluhyeh ubwuomu kene xene nyaa ka jé-e tuuhi bi lomwu lele. O hoo inyi bwuh la o hwuh Onyewe nyamwu duh wari nya o ka gbuh u-uhye nya agwurubeh saji nya ohobiri nyahi.
Ma ó chila kahi ka jé ehileh ita ile kemh ka ..........
4.EHILEH OHENE AHI KA YEH JISOS KRAYIST LALA ONGO CHIDA BALA ONGO-LAHI LA PIIH, ENEH KAHI KA JE OHAHA NYA OHEH OLUHYEH BALA ONWULANO NYA OHIHI NYAHI.
AHI KA YEH JISOS KRAYIST BWUH LA OMIMI.
"Ma ong mi ong ole wuuh, ki yooh, o hwuh ongiri ha angiwa wuuh ki ka rih anyi ilam ilam nya Oheh Oluhyeh. Ang ole ki ka ho kene kene rih o ka mi loo nya o-oka cha da" (Jon 1: 12). "Onahi ogahi ododuh nya Oheh Oluhyeh a kpa chinu da luka ole kanu mi la ela nyamwu le. Oowa á ti bwuh la ingingihye ole kanu ho lubwo nya ilonu kpongh kpongh ka. Saji ogahi onahi nya Oheh Oluhyeh kemh, o rih le. Ochida nyanu oowa á rih urih nya ukwuro ohoho nyanu kpu ongongohe ka je-e kpa chi kpongh kpongh ka" (Ala Efisos 2:8-9).
Krayist yekee, "Anu ye me! M godiyi riri lee o-onu nya ugbeyi nya ubeh o-bwuh we okiletu nya ong mi ong wuuh le. Ong mi ong ole wuuh ko woh omih nyam, ko rih ká ongoowa á mi wuru ugbeyi nya okiletu nyamwu da dodoh ham, aale, M ka jwuh keleh ka epwu okiletu nyamwu." (Owurwu wurwu 3: 20).
O yeh Krayist rih o mi la Oheh Oluhyeh ko ka wepu nya ohihi nyahi bala o-hinyo hih ohobiri nyahi, o-tuhi ohobiri nyahi bwuh la o yee iryah da bala o mi onu ka Krayist ka la ohihi nyamwu e-epwu nyahi.
Iya imiiyeh ilee meje uma nya ohihi imiiyeh:
1. 0hihi e-epwu nya ugbunyiyoo
Uma nya onginyi (p) rih ongole ko kpa chihi nyamwu u-ubwuo lilomwu. O yeh Krayist (+) wepu nya ohihi
nyamwu le ka. Ang inyibirih iwe meje uma nyang la dati dati e-epwu nya ohihi nyamwu: okpokoh, ukwurwo, itu-pipi, bala ang ikila lume lume iwa wuuh ti juwa e-ekpelejih nya ongiri nyamwu. Ma o la okpunyih kpongh kpongh ka.
2. Ohihi e-epwu.nya Krayist
Igele, Krayist (+) wepu nva ohihi nyamwu le, saji nya o ka kpehi riroo. Ongole (p) mi onu ha Krayist nya o ka kpehi riri iga mi-iga nya ohihi nyamwu; okpokoh ukwurwo, itu-pipi bala ang ikila lume lume. Ongole la okpunyih otuka i-iga nya Oheh Oluhyeh.
Uma nya oya oyinah a ti la la ohihi nyang?
Uma nya oya oyinah a ti hang ka ohihi nyang la la bwuh ale ka ilahi?
Angile me je jaabwo ka ka yeh Krayist:
A KÁ YEH KRAYIST LELE BWUH LA OMIMI
A ká yeh Krayist la la Ongo Chida bala Ongo langla (Oheh Nyang) bwuh la owurwo wuuh ru e-epwu nya abwuo oriri,ko ka wepu nya ohihi nyang bala omi-onu hoo saji ko ka weh nyilehi. Rabwuo li-ira okpokpo bwuh la omimi saji Oheh Oluhyeh je okiletu nyang, mimi a ka je dooh lu-gbaa ka. A ka rih abwuo uma olile mii:
"Ong Lahi la Jisos, M mi onu ya M kpa ohihi nyam u-ubwo gbale gbale, mimi M hobiri bangh. Lele kewe wepu nya ohihi nyam, ka peeh hii ohobiri nyam wuuh qa ham. M hwuh ohihi nyam wuuh jwung u-ubwo, ho kam ri ongo-nyewe. Obeh nya o wooh abwo oriri nyam. Amen"
Uma nya abwuo oriri olile a ti to ka ka ri leh? Ori-nyi ale a ka ri lele saji ka Jisos Krayist ka wepu nya ohihi nyang jabwuo kooh mi-onu ...............
A je kaa yeh Krayist wepu nya ohihi nyang leh? Krayist jwua epu ny'ohihi nyang le leh? A ti haa-nyi ka je? Che-hi e-ekpe ka ye onu omimi nya Oheh Oluhyeh uwaa Owurwu Wurwu 3:20 iipeji 11...... Lele a je yekee Krayist nyi jwua epwu nya ohihih nyang le saji O mii-onu ko ka wari. Oba ba ka ka wuro wepu nyang uka okila ka ka!
A BA IRA NYANG KEMH JEH KPONGH KPONGH KA
Ohee ka ale a ka chi okekeni, ma ohee ka ikejee ka wung ijuju mi - Jabwuo mi abwuo ka mira, Krayist jwua e-epwu nya ohihi nyang pii-yoo. Saji Oheh Oluhyeh yekee, "Am oheh Oluhyeh a ka kpanu anu anginyi nyam ka ejih kpongh kpongh ka, leeh, o-tu ubwuo hiinuh kpá eneneh kaka" (Hiburuh 13:5). Hwuh omimi nyang wuuh niroo o-nu omimi ny'Oheh Oluhyeh uka nwu-uka.
UKA OLE KA YEH KRAYIST...... ang lume lume la la ilee ka hoo:
- Krayist wepu ny'ohihi nyang (Owurwu Wurwu 3:20)
- O hinyoo hih ohobiri nyang wuuh (AlaKolosi 1:14)
- A rih onyi nya Oheh Oluhyeh (Jon 1: 12)
- Ala ohihi omimi ka (I Jon 5:11-13)
- A ká la ohihi onyewe, okpipyo jabwuo ki Krayist jwua hihi epwu nya ohihi nyang (Jon 10:10; I Korinti 5:17).
O-onu omimi ile lee wuuh rih nyang buuh Upwu Igogo. Hwuh Upwu Igogo saji ka ka wuu-laa o-onu omimi ile yeh! Upwu nya Ukwurwo 17:11 ya jehi inyi.
ORIH KA TI-TO KA KA NWUUA KI LAHI ALE, HOO ILE ME:
Rabwuo ha oheh Oluhyeh enu-mi-enu, (Luk 18:1)
Waa Upwu Igogo nya Oheh Oluhyeh enu-mi-enu (Upwu-Ny'ejeh 119:11)
Domu la Upwu nya Jon
Jwuh Oheh Oluhyeh ihii, ka milo uka-mi uka (Jon 14:2)
Kpa erwuh onyila nya Krayist pyee bwu-la ohihi nyang bala ela oyaya (Luk 8:39)
Mi la Oheh Oluhyeh epwu nyang mi-ang wuuh nya ohihi nyang (I Pita 5:7)Mi ka Olegwu Igogo ole ka o wepu nyang wee a kpaa ohihi nyang ubwuo bala o ye ongiri hang saji ka kpa ela nyamwu pyee (Ala Galatia 5:16-17).
Oba ba ka ka nwuua epwu nya ohihi nyang too anginyi ny'Oheh ikila (Hiburuh 10:25). Domu le-le bwuh la o ka Ichochi ole ka o jwuh Krayist ihii bala ela nyi-lehi Nyamwu o kpa pyee.Kpa eruh onyila ole yaa jeh Angikia me!