Monka mwikadile bipangibwa byonso, dyuba ne kweji, buyo ne bushipo, ne miswelo yabyo yo bilonda nyeke, mo monka ne batwe netu, Leza witulombwele mo tufwanyinwe kulondela pa kufwena kwadi’mba tumone bumi bwa nyeke.

1. Kintu kibajinji kyofwanyinwe kuyuka i kino’mba:
Leza ukusenswe abe bininge, kadi ukutongele dishinda diyampe dya kunanga nandi mu kipwano.

Kisanso kya Leza

“Leza wasenswe bapanopantanda nenki, wapana Mwana wandi umo enka amba bonso ba kumwitabija kebakonekapo, enhe, ino batambule bumi bwa nyeke ne nyeke.” (Yoano 3:16)

Kisakile Leza

Yesu wanena’mba: “Ami naiya amba bantu bamone bumi, kadi bamone bumi balumbuluke mpata."” (Yoano 10:10)

Le i mwanda ka bantu bangibangi kebamonangapo bumi buno balumbuluke mpata?

2. I pa uno mwanda: Batwe bantu twi babi. Twi bakala๑ane na Leza. E po pa mwanda o ketukokejapo batwe bene kuyuka kisanso kya Leza ne kumona bumi buno bulumbuluke mpata.

Batwe bantu twi babi

“Bonso i bapyemambo, i bakankalwe kufika pa boloke ne bubinebine ne buyampe bwa Leza."” (Loma 3:23)

Leza wapangile bantu amba bekale nandi mu kipwano. Ino bantu batongele kala kwenda dishinda dingi, balondele bisakasaka mityima yabo. Batwe netu e monka mo tulongela. Kipwano kyadi ko kalaa ne Leza kyapwididila pa mwanda wa bubi.

Uno muswelo wa kulonda bisakasaka mityima yetu ne kupela dishinda dya Leza, nansha kunena bitupu amba: “Padi difuku dingi nketabija."” i kiyukeno kitulombola’mba twi babi.

Batwe bantu twi bakalanane na Leza

kil1

“Ino’nka bukondame bwenu bo bwemukala๑anya banwe ne Leza wenu, ne bubi bwenu bo bwafija mpala yandi ko kakivwanapo."” (Isaya 59:2) Leza i moloke, mulumbuluke. Bantu bo babi, bakondame. Aye Leza ne bantu i basansane mpata pamo bwa kwadi lupongo lukatakata umbukata mwabo. Bantu bangi batompa kulambula Leza ne kumona bumibunengele mu miswelo mingi. Bamo’mba: “Nkamona’bo shinalonda miswelo ya bankambo, kupaka manga ne kutota bavidye."” Bamo’mba: “Nkatompa ku-londa bijila bya Leza, ne kupwila."” Ino bonso bakadikila bitupu. “Boloke bwetu bonsololo budi’nka bwa mutwelo wa bisasa.” (Isaya 64:6)

Le tukokeja kumona bumi namanyi? Nanshi kya busatu kitulombola dishinda dimo dyonka dya kufikija muntu kudi Leza.

3. Kudi dishinda dimo kete dya kufikija muntu kudi Leza.  I Yesu Kidishitu wafwile pa mwanda wa bubi bwetu.  I enka Aye Mfumwetu Yesu kete ukokeja kukuyukija kisanso kya Leza ne mwa kunangila nandi mu kipwano.

Kidishitu wetufwidile

“Ino nanshi Leza wetulombwele mwaetusanshilwe’mba po twadi tukidi babipyamambo Kidishitu wetufwidile."” (Loma 5:8)

Wasangukile ku Iufu

“Kidishitu wafwidile myanda yetu...ne kujikwa wajikwa, kadi wasangukile mu difuku dya busatu, monka umpityile Bisonekwa."” (Tala ku 1 Kodinda 15:3-6)

Mfumwetu Yesu i dishinda dimo kete dya kufikija muntu kudi Leza

“Yesu amba: ‘Ami enka ne dishinda, kadi ne binebine, kadi ne bumi. Kekudi nansha umo wendela dingi kudi Tata poso wapityila bidi padi ami.’ ” (Yoano 14:6)

kil2

“Nanshi i enka aye Mupandiji kete, mwanda kekudipo kadi dijina dikwabo pano pantanda
ponso dipebwe bantu kudi Leza mo tukokeja kupandila.”
(Bilongwa 4:12)
Leza watumine Mwana Wandi Yesu Kidishitu pano pantanda kwitufwila pa musalabu, amba
etufikije kudi Leza.

Ino kuyuka bino bintu bisatu mu mutwe bitupu, amba:
“Eyo I bya bine!"” kekukokejapo kukupandiji, enhe
Kudi kya buna, i kinoki:

4. Muntu ense ufwanyinwe kutambula Yesu Kidishitu ne kumukulupila amba: “I Mupandiji kadi i Mfumwami."” Penepa ukokeja kuyuka ne kusangala mu kisanso kya Leza ne mu bumi buno bulumbuluke mpata bwa kipwano nandi.

Tufwanyinwa kutambula Kidishitu mu mutyima

“Nanshi bonso bakumulubula bo batambula lupusa lwa kwikala bana ba Leza.” (Yoano 1:12)

Tutambulanga Kidishitu mu lwitabjo

“Mwanda i pa lwitabijo po mwapandila mu buntu bwa Leza. Lupandilo luno kelutambepo ko mudi, i kyabuntu kya Leza, ke lwa pa bilongwa biyampe byetu po, enhe, kutyina’mba muntu waketumbija.” (Efisesa 2:8-9)

Tutambulanga Kidishitu po kulomba’mba: Twela mu mutyima

Kidishitu amba: “Talapo bidi byo naimana pa kibelo,ntutula; shi muntu evwane diwi dyami anshitwile’ko, nankyo nkatwe- la’mo mwadi.” (Kusokwelwa 3:20)

Kutambula Yesu Kidishitu i kuleka kukulupila ku byolanga abe mwine’mba: I bya kunkwasha. I kukulupila enka Yesu amba i aye kete ukokeja kukulekela bubi bobe ne kukwalamuna kodi muntu wa mu ludingo lwasakile.

Kwitabija Mwanda wa Leza mu mutwe bitupu, kekukokejapo kupandija muntu enhe. Kwitabija kwalamunanga mutyima wa muntu ne kiswamutyima kyandi ne ngikadilo yandi mine.

Bifwatulo bibidi bino byelekejanga miswelo ibidi ya bantu.

1. I kyelekejo kya muntu wiludika aye mwine.

kil3

I aye mwine ubikele pa lupona lwa mutyirna wandi.
Kudishitu udi panja pa burni bwandi.

 

2. I kyelekejo kya muntu uludikwa na Kidishitu.

kil4

Kudishitu udi pa lupona lwa mutyima wandi.
Aye mwine pano ukokele Yesu.

1. Le bumi bobe budingakene ne kifwatulo kyepi?
2. Le usakile’mba Mfumwetu Yesu ekale Mwine mutyima obe? Tutange nanshi mokokejeja kutambula Kidishitu dyalelo.
Ukoheja kutambula Kidishitu ponka pa kulomba

Kulomba i kwisamba na Leza. Leza uyukile mutyima obe. Katalangapo muneneno obe, enhe, i kusaka kwa mutyima obe kwatala.

Ukokeja kumulomba nansha namino: “A Mfumwami Yesu, mpandije. Naitabija’mba: Ne kipyamambo ne mukalanane na Leza. Nakufwija byo wamfwidile pa musalabu pa mwanda wa bubi bwami. Nsakile’mba utwele mu mutyima wami, ubikale bu Mulopwe mu mutyima wami. Nsakile kadi amba ungalamune mu ngikadilo yami, ngikale mu ludingo losakile abe mwine. Amena.”
Lelo usakile kulomba namino Kidishitu atwele mu mutyima obe? Shi i amo, nankyo lomba panopano ne mutyima obe onso wabinebine, nankyo Kidishitu ukatwela mu mutyima obe monka mwalaile.

Mwakuyukila amba Kidishitu wangitabija

Le ubatambula Kidishitu mu mutyima obe pano? Mwendele mulao wandi wa mu Kusokwelwa 3:20, le Kidishitu udi kwepi pano kudi abe? Kidishitu walaile’mba: Nkatwela mwadi. Le ukubepela nyi? Le ubayuka namanyi amba Yesu waitabija kutwela’mo?...(I pa mwanda wa bubinebine bwa Leza mwine walaile ne pa bubinebine bwa Mwanda wandi.)

Mukanda wa Leza ulaile bumi bwa nyeke bwa boba bakutambula Kidishitu

"Bukamonyi bwine i buno’bu: Leza wetupele bumi bwa nyeke, ne bumi buno i bwitupebwe mudi wandi Mwana. Yewa udi ne Mwana udi ne bumi, ino yewa kadipo ne Mwana Leza kadipo ne bumi. Nemulembela bino muyuke´mba mudi ne bumi bwa nyeke banwe betabije mu dijina dya Mwana Leza."” (1 Yoano 5:11-13)

Fwija Leza mafuku onso mwanda Kidishitu wikele mu mutyima obe ne mu bumi bobe, kadi kakakushiyepo. (Bahebelu 13:5) Ukokeja kuyukidija’mba: “Kidishitu Mumi wikele mudi ami, kadi ngidi ne bumi bwa nyeke kushilula ku difuku dyo namutambwile, mwanda aye walaile’nka nabya, kadi aye kakokejapo kundimba, enhe.”

Milangwe ijinajina

Bamo bakokeja kunena’mba: “Nkyumvwenepo kintu kipya mu mutyima ne mu milangwe ya munda. Le ne mubutulwe kupya? Shi ke amo po? Kokikulupila mu milangwe yobe ya munda ijinajina. Wakwituludika i mulao wa mu Mukanda wa Leza, kekujinajinapo kwa milangwe yetu, enhe. Mwine Kidishitu unanga mu lwitabijo mu bubinebine bwa Leza Mwine ne mu bubinebine bwa Mukanda wandi.

Ano masua a panshi elekeja mwanda wa Bubinebine (i Leza ne Mukanda wandi) ne wa lwitabijo (i lukulupilo lwetu mudi Leza ne mu Mukanda wandi) ne milangwe yetu (nayo iyukile kwalamuka misungu mingi mwendele kukokela ne kukulupila kwetu.

kil5

Masua akokeja kwenda nansha mawagons adiko, nansha kutupu ’o. Ino’nka wagon keikokejapo kwendeja masua. Mo monka ne batwe bene Kidishitu, ketufwanyinwepo kutwalwa koku ne koku ne milangwe ijinajina, enhe. Tukulupila mu bubinebine bwa Leza ne mu milao ya mu Mukanda wandi. Milangwe munda itulombola amba: “I bine ne mwine Kidishitu, ne mubutulwe kupya!” nayo ikalonda bitupu.

Pano byo watambwile Kidishitu

Ponka na ponka po watambwile Kidishitu mu lwitabijo, bintu bivule byalongekele mu bumi bobe. Bino bilonda i bimobimo.

  1. Kidishitu watwelele mu mutyima obe. (Kusokwelwa 3:20; Kolose 1:27)
  2. Bubi bobe bwakulekelwe. (Kolose 1:14)
  3. Waalamukile kodi mwana Leza mubutulwe kupya kudi Muya Ujila (Yoano 1:12)
  4. Washilwile bumi bupya bulumbuluke mpata bwakutongele Leza kala pakupangile. (Yoano 10:10; 2 Kodinda 5:17; I Tesalonika 5:18).
Le kudi kintu kikwabo kikokeja kudingakanyibwa ne bino bikakulongelwa? Lelo kusakilepo kufwija Leza pano ponka mu milombelo pa mwanda uno mukata wa bumi buno bupya bwaakupele? Ponka pa kumulomba ne pa kumufwija unyingija lwitabijo lobe. Nanshi puta meso mufwije pano ponka mu milombelo.

Nanshi byofwanyinwe kulonga pano i bino.

Mwa kutamina umbwine Kidishitu

Tutamanga mu bwine Kidishitu po tukulupila ne kukokela Yesu umbyonso. Kukulupila Leza ne kumukokela kukakupa lwitabijo lunyinge mudi Leza, lwenda lunyinga ku difuku ku difuku. Bino bilonda bikakukwasha kutama.

K
Kolomba Leza mo bukila mo bukila. Kulomba i kwisamba nandi. Mulombole byonso mu bumi bobe. Yoano 15:7.
U
Utange Mukanda wa Leza mo bukila (Bilongwa 17:11) Shilula mu Yoano.
T
Tala kudi Leza ne kulonga byonso byakulombola ku dyuba ku dyuba. (Yoano 14:21)
A
Alula kwisamba na bantu mwanda wa Yesu konso koenda, wikale kamonyi kandi, ne mu bilongwa ne mu misambo (Mateo 4:19)
M
Mukulupile Leza umbyonsololo bya mu bumi bobe. Mufwije nansha wamona biya nansha bishoto. (Loma 8:28; 1 Tesalonika 5:18)
A
Aye Muya Ujila akukunkuje ne kukupa bukomo mu bumi bobe ne mu bukamonyi bobe. (Galatea 5:16-17; Bilongwa 1:8)

Kungwila mu kipwilo ne bene Kidishitu

Mu Bahebelu 10:25 Leza witulombola’mba: “Kemukaleka kubungakana pamo...” Nkunyi itema biyampe mubinge, ino shi ukoke lumo utule’lo kufula lukaleka kutema. Nanshi i monka ne kipwano kyetu ne bene Kidishitu bakwabo. Shi abe kwibidilepo kupwila nanshi kimba kipwilo ko balemeka Kidishitu amba: “I Mupandiji wetukudile ku mashi andi, kadi aye i Leza mwine,” kadi ne ko bafundija Mukanda wa Leza amba: “Ao onso i Mwanda wa Leza umbubinebine.” Shilula ponka ne kupwila mafuku onso mu kipwano nabo.

Lelo kusakilepo kukalombola mukwabo byo wamona pano ne byo watambula? Nanshi yata kadibuku kano, lomba Leza afikije Mwanda wandi kudi muntu okesamba nandi, penapo tanga nandi myanda idi mu kadibuku kano, nandi amone mwa kutambwila bumi monka mo wamwene abe!

ADDITIONAL ASSISTANCE