INGINGO ZINE Z'IVY'IMPWEMU?
Ikintu cose gifise amategeko akigenzura. Nawe nyene kugira ngo ucudike n'Imana, hariho amategeko ukwiye gukurikiza.
1. IMANA IRAGUKUNDA KANDI IKUGIRA IMIGABO Y'AGATANGAZA MU BUGINGO BWAWE
URUKUNDO RW'IMANA
"Kuk'urukundo Imana yakunze abari mw'isi, ari rwo rwatumye Itanga umwana wayo w'ikinege, ng'umwizera wese ntaz'apferubi, arikw'ahabwe ubugingo budashira." Yohana 3:16
IMIGABO IMANA IGUFITIYE
Yesu arakubwira ati: "Nanje jeho nazanywe no kugira ngo zironke ubugingo, kandi ngo ziburonke busagutse." Yohana 10:10
Mbega ni kuki abantu benshi badafise ubwo bugingo?
UMUNTU NI UMUNYAVYAHA KANDI IVYAHA VYIWE VYAMUTANDUKANIJE N'IMANA
2. BITUMA ATAMENYA URUKUNDO N'IMIGABO IMUGIRA MU KUBAHO KWIWE.
UMUNTU NI UMUNYAVYAHA
"Kukw ata tandukaniro, bose bakoze ivyaha, ntibashikira ubwiza bw'Imana".Abaroma 3:23
Imana yaremye umuntu kugira ngo bacudike. Yamara umuntu yahisemwo inzira yiwe bituma atandukana n'Imana. Kugarariza no kutumvira Imana ni Icaha. Kandi iyo umuntu ahushanije n'ivy'Imana Igomba, bituma aba mu buja bw'ivyaha.
UMUNTU YARATANDUKANYE N'IMANA
"Ingero y'icaha ni urupfu" (gutandukana n'Imana mu buryo bw'impwemu) Abaroma 6:23.
Ingingo ya gatatu iduha inyishu y'iyo ngorane.
Iki gicapu kitwereka kw'Imana an lyera kandi k'umuntu ari umuvyaha. Hagati yiwe n'Imana hari imanga nini y'ivyaha yamutandukanije n'Imana. Umuntu agerageza gukoresha uburyo bwinshi kugira ngo ashike ku Mana, aronderera inzira mw'idini, mu masengesho, mu bikorwa vyiza n'ibindi... Ariko ivyo vyose ntibihagije, umuntu aba akiri umunyavyaha.
YESU KRISTO NI WE GUSA NZIRA Y'UKURI ISHIKANA UMUNTU KU MANA YERA.
3. muri we ni ho ushobora kumenya urukundo Imana igukunda n'imigabo Ikugira mu kubaho kwawe.
Yapfuye mu gishingo cacu.
"A rikw'lmana yatweretse urukundo rwayo ldukunda, kuko Kristo yadupfiriye tukiri abanyavyaha " Abaroma 5:8
YESU NI MUZIMA
"Kuko nabanje kubashikiriza ico nanje nahawe, yuko Kristo
yapfiriye ivyaha vyacu, nk'ukw' ivyanditswe bivuga, agahambwa, akazuka ku musi ugira gatatu, nk'ukw'ivyanditswe bivuga, akiyereka Kefa, maz'akiyereka bamwe cumi na babiri, akongera akiyerekera hamwe bene Data basaga amajana atanu" 1 Ab'i Korinto 15:3:6.
YESU WENYENE NI WE NZIRA.
"Yesu aramubwira ati: Ni jewe nzira n'ukuri n'ubugingo: Ntawushika kuri Data ntamujanye". Yohana 14:6
Ariko ntibihagije kumenya izo ngingo zitatu zonyene.
Iki gicapu kitwereka kw'Imana yashizeho igitarurwa kugira ngo kiduhuze, Nayo. Nico gituma Imana yatanze Umwana wayo w'ikinege Yesu Kristo, ngw'apfe ku musaraba kugira ngo tubashe kwegera Imana.
4. URAKWIYE KWAKIRA YESU KRISTO NK'UMWAMI N'UMUKIZA WAWE; NI HO UZOMENYA URUKUNDO RW'IMANA N'IMIGABO IKUGIRA MU BUGINGO BWAWE.
DUKWIYE KWAKIRA UMWAMI YESU KUBWO KWIZERA
"Ariko abamwakiriye bose yabahaye, ububasha bwo gucika abana b'Imana, ni bo bizeye izina ryiwe." Yohana 1:12
"Ubuntu ni bwo bwakijije kubw'ukwizera, na vyo nyene ntivyavuye kuri mwebwe, ni ingabire y'Imana; ntivyavuye kubikorwa kugirango hoye kugira uwirarira." Abanyefeso 2:8-9
Iyo twakiriye Yesu -Kristo tuba tuvutse ubwa kabiri. (Yohana 3:1-8 )
KWAKIRA YESU NI UKUMUSABA KUZA MU BUGINGO BWAWE.
Yesu arakubwira ati: "Ehe mpagaze ku rugi, ndaramukije Umuntu ni yumva ijwi ryanje, akugurura urugi, ndinjira i we dusangire". Ivyahishuwe 3:20
Kwakira Yesu
1 Ni ukumenya ko uri umunyavyaha, ukihana, ugahindukirira Imana.
2. t ukwizera kw'Imana ishobora kuguharira ivyaha vyose
3. Ni ukwakira Yesu Kristo mu bugingo bwawe umwzeye, akagutegeka kugirango ukore ivy'agomba.
Umuntu |
YESUNTARI MU BUGNIGO
|
YESU ARI MU BUGINGO
|
umuntu aganzwa na Yesu |
Mbega mugenzi ni ikihe gicapu wogereranya n'ubugingo bwawe?
None woshima ku ereranywa n'ikihe gicapu?
Ibikunkira biraguso banurira ukugene wokwakiraYesu mu bugingo bwawe
USHOBORA KWAKIRA YESU UBU NYENE KUBWO KWIZERA MU GUSENGA. (Gusenga ni kuganira n'Imana).
Musabe Yesu yinjire mu bugingo bwawe. Wizere kwashobora kugukorera ivyo yasezeranye. Aya masengesho yogufasha kwakira Yesu, uyavuze n'umutima ukunze.
Mwami Yesu ndagutakambiye kugira ng'unyiganzire mbe uwawe Ivyaha vyanje vyantandukanije nawe. Ndakwinginze Mwaming'uze mu rnutima wanje Ndagushimiye ko umpariye ivyaha vyanje vyose. ndabizi neza ko wahejeje kubimparira Ubu ndemeye kuva mu vyaha ngo tubane Yesu Hindura ubu bugingo bwanje mbe nk'nk'ugomba ibihe vyose. Amen.
Mbega, aya masengesho arahuye n'ivy'umutima wawe wifuza?
Asangwa ahuye n'ivyo wifuza, yavuge usabe Umwami Yesu kuza mu bugingo bwawe nkuko yasezeranye
INGENE USHOBORA KUMENYA KO YESU ARI
MU BUGINGO BWAWE.
Mbega wakiriye Yesu Kristo mu bugingo bwawe ?
Ukunkije isezerano ryiwe mu Vyahishunwe
Yohana 3:20, ubu Knsto ari he ?
Yesu Kristo yavuze ko azokwinjira mu bugingo bwawe.
Uravyemera ? None womenya ute kw'Imana yishuye amasengesho yawe ?
(ku bw'isezerano ry'Imana n'Ilambo ryayo).
BIBILIYA ISEZERANA UBUGINGO BUDASHIRA KU BAKIRIYE YESU KRISTO BOSE.
Kandi iyo ntahe ni iyi: n'ukw Imana yaduhaye ubugingo budashira, kandi ubwo bugingo ko buri mu Mwana wayo. Ufise Umwana wayo ni we afise ubwo bugingo; udafise Umwana w'lmana ntafise ubwo bugingo. Ivyo ndabibandikiye, mwebwe mwizeye izina ry'Umwana w1mana, kugira ngo mumenye yuko mufise ubugingo budashira Yohana 5:11-13
Ukurikije iryo sezerano ushobora kumenya ko Yesu Kristo ari mu bugingo bwawe kandi ko ufse ubugingo budashira kuva umwakiriye mu bugingo bwawe. Ntazoguhemukira. Shimlra Imana imisi yose ko Yesu Kristo
ari mu bugingo bwawe kandi ko ufise ubuglngo budashira.
NTUKABESHWEHO N'AKAMEREMERE KAWE.
Ubushobozi bw'Umukristo buhagaze kw'Ijambo ry'Imana, atari kuri kameremere kiwe canke uko avyiyumvamwo. Umukristo abeshwaho n' ukwizera mu kwizigira Imana n'Ijambo ryayo.Uyu musi ushobora kunezerwa, ikindi gihe ukababara.Uko umuntu yiyumvamwo biva mu gihe aba arimwo.Ntukabeshweho n'akameremere kawe kugira ngo ugire icemezo c'uko Kristo yama ari mu bugingo bwawe.
"Imana Ubwayo yavuze iti: Nta ho nzoguhemukira, nta ho nzoguta".
Kuko uzi kw'Itabesha. ushobora gusa gukengurukira Imana kuko rnu bihe bibi n'ibihevyiza ibana nawe mu bugingo bwawe. Mu kuvuga uti: "Urakoze" vyerekana ko wizeye Isezeiano iyayo.
IBISHIKA MU BUGINGO BWAWE UMAZE KWAKIRA YESU KRISTO NI IBIKI?
Mu gihe wakira Kristo,ibintu vyinshi vyagushikiye mu bugingo bwawe
1. Yesu Kristo yaje mu bugingo bwawe (Ivyahishuwe 3:20)
(Ab'i Kolosayi 1:27)
2. Ivyaha vyawe vyahariwe (Ab'i Kolosayi 1:14)
3. Wacitse umwana w'Imana (Yohana 1 :12)
4. Waronse ubugingo budashira (Yohana 5:24)
5. Watanguye ubugingo buhimbaye. ubw'lmana yaknremeye
(Yohana 10:10 II Ab'i Konnto 5: 17. II Ab'i Tesalonike 5:18).
Mbega mugenzi, wibaza ko hari ikindi kintu cokunezera kuruta kwakira Yesu mu bugingo bwawe ?
None ntiwoshimira Imana buno nyene ku vyo yagukoreye ?
Gushimira Imana no kuyisenga vyerekana ukwizera.
Dusenge ...
UBURYO BWO GUKURA MU VY'IMPWEMU
Nk'uko umwana mutoyi akeneye gukura ni ko n'umukristo akeneye gukura mu vy'impwemu
Niwakwirikiza imisi yose izi ngingo zitandatu zizogufasha gutera imbere mu nzira y'Imana
1. Urama uganira n'Imana mu gusenga (Yohana 15:7)
2. Urama usoma Ijambo ry'Iman (Ivyakozwe n'Intumwa 17:11)
3. Wubahe Imana ibihe vyose (Yohana 14.21)
4. Urashingira intahe Kristo mu bikorwa no
mu majambo yawe (Matayo 4:19, Yohana 15:8)
5. Wizere Imana muri vyose (1 Petero 5:7)
6. Ureke Mpwemu Yera arongore ubugingo
n'intahe vyawe ku musi ku musi, kandi
abihe ububasha (Ab'Igalatiya 5:16, 17, Ivyakozwe 1:8).
NI NGOBWA KW'ABAKRISTO BAKORANIRA HAMWE
Aka karorero ka radufasha kubitahura:
"lyo inkwi zirunzwe hamwe, zirushaho kwaka cane. Ukuyemwo rumwe ukarushira ukwarwonyene ruca ruzima".
Nawe nyene biragukwiriye gukoranira hamwe n'abandi bakristo.
ni wafatanya n'abandi bakristo bamaze kwakira Yesu nk'Umukiza wabo; ukwizera kwawe kuzorushirizaho gukomera.
Uraja mw'isengero ry'abantu bizera ko Bibiliya ad ijambo ry'Imana, kandi bahimbaza Umwami Yesu, ata wundi batumbera. Tangura gufatanya n'abandi mur'iyi ndwi.
"Twoye guheba gukoranira hamwe, nk'uko bamwe babigira, ariko duhanurane, kandi uko mubonye wa musi wegereza, murushirize kugenza gurtyo."