Kit acallo tye cik me kom alo wi -- podo tye dang cik me cuny alo wat ikin in kede Gabipiny.

1. GABIPINY MARRI OWEKO EN TYE KEDE YIK ME AURA Pl KWO-NI.

 

"Gabipiny"

En leb Lango me ateteni, pi "Acwec-Wonpiny." En "Nying" ame guddo "pen" niye, kede dini, Lango ngeo en acel keken. "Obanga" en, leb a welo ogommo jo, pien rik ocoo ijiri. Lango pe acan ngec kede leb me dini.

MAR A GABIPINY
"Pien Gabipiny rik omarro lobo atika, omio Wode acel keken, wek ngat-ta ye en, Mom toata' ento lim kwo apetum." (Lakana 3:16)

YIK A GABIPINY
"An abino wek Lwak Lim kwo, wek onya, oboc kede." (Lakana 10:10b).

2. DANO OROC-CO. GABIPINY OPORRE.
Piennu Kingi opokere, ogengo dano ngeyo kede niang mar kede yik a Gabiping pi kwo mere.

DANO OROCCO
"Pien jo lung orocco, kwogo a Gabipiny olanyo-gi." (Joroma 3:23)

Dano yam oketto pi marro Gabipiny. Aballi mere dano oceo yo mere kene ayie okwanyo. En pe marro kede winyo Gabipiny. Dano rocco pi kwerro winyo, onyo mom parro pi Gabipiny.

DANO OGELLE KENE
"Pien ocara me Roc en to." (Joroma 6:23a)

lang1

Gabipiny oporre. Dano orocco. Kingi opokere. Dano oyelle kwe, pe otunno bot Gabipiny. Me ibabangere nono, dano oyenyo nying aber, oruko, dini, ducu mwa can kare.

Cik adek nyutiwa yo acel keken meloyo peko man.

3. YECU KRICITO KEKEN OBEDO GIKOK A GABIPINY Pl ROC ADANO.
Pi en, dano twero ngeyo, niang mar kede yik a Gabipiny pi kwo mere.

EN OTO PI LAKKORO ROCWA
"Ento Kricito oto pirwa ongukowa iroc; Manno nyutto mar a Gabipiny botwa." (Joroma 5:8)

CER A KRICITO
"En Yecu Gabipiny tyeko cerro oko; wan-ni lung ocaden koppono." (Tic Okwena 2:32)

EN KENE AME OBEDO YO
Yecu odokkigi iye ni, "An ayo kede ateni kede kwo; mom tye ngattoro atunno bot papo, ka mom beo ian." (Lakana 14:6)

lang2

Mom tye ngattoro ame twero tunno bot Gabipiny piwie kene, dim ame Gabipiny obinno piny bot dano. En ocwallo wode Yecu Kricito oto ikom yataria pi Lakkorowa.

Ngeyo keken Ecwil adek pe cobbo. Ecwil Angwen en pagi.

4. MYERO WAN KEKENWA OJOL YECU KRICITO ACALO ALAR KEDE RWOT;
eka ote ngeyo kede niang mar kede yik a Gabipiny pi kwowa.

MYERO OJOL KRICITO I NIYE
"Bot jo ducu arik ojolle, ame oye nyinge, en omiogi twer me dokko otinno a Gabipiny." (Lakana 1:12)

"Pien pi kica omio olarrowu pi yee. Aco enni mom obedo Ticwu morro, mannu onwongo motta Gabipiny. Mom Pi Tic. Dong gire ngattoro mom wakerre kede." (Joepeco 2:8,9)

WAN OJOLLO YECU Pl GAMME I KWOWA
(NYUT A Lakana 3:20)

Myero olo obol ngewa, owek yorwa cen. Dim obongorro olubbo yo a Gabipiny en genno Kricito pi caccoro rac-wa kede loyo kwowa.

KWO AME "AN" ALO
KWO AME "KRICITO" LO

 

lang3

 

Callene anyutu kwoni?
Callene ame imitto kono aporro kwoni?

Kop alubboni titto yo ango amyero igam kede Kricito

I TWERO GAMO KRICITO CUTU

GABIPINY NGEO CUNYI ATUT. CANNO DOGI PIRE MOM TEK KATTO NGO IKANO I CUNYI. KECCE I ROMMO YE OBAK DOGWA:
"Rwot Yecu, in kenni iporre pi kwona. Aye ni onwongo agelle tenge iboti. Apwoi pi to gikok pi caccoro rocca. Luny loyo kwona. Tir kwona, bed ayomo cunyi kun lubbo mit meri. Amen"

PE ANGEO KA BAKO DOG MAN GUDDO CUNYI?

KA OKONYI ACO AMAN BAK DOG, KRICITO BIBINO IKWO-NI KIT AME CALO EN OCIKKO.

YO ME NGEYO KA KRICITO TYE IKWON

Ityeko dong gammo Kricito i kwoni cutu?
Kit a en ocikko i Nyut A Lakana 3:20 aman kono Kricito dong tye kwene?
Kricito kobbo, abibinnoi kwoni. Itammo ningo, en romo bwolli?
Ingeyo ningo ni Gabipiny owinyo legoni?
(Pien dong igenno Gabipiny kede kippere)

"En cadenno enne ni, Gabipiny miowa kwo ape tum. Coc a Gabipiny ocikko kwo ape tum bot jo lung ajollo Kricito Kwo-no tye iwode. Ng-at ame, tye kede wod, tye kede kwo; Ng-at ame mom tye kede wotta Gabipiny mom tye kede kwo. Acoo kop man botwu, wun jo ame oye nying wotta Gabipiny me inge wunnu ni, ilimmo wunnu dong kwo ape tum." (I Lakana 5:11-13)

Pwo Gabipiny kare lung pi ni Kricito tye i kwoni. En omokko Koppere ni pe ebiwekki (Joeburania 13:5). I twere ngeyo ni Kricito tye icuny, kede ni ilimmo kwo ape tum pi cikkere mere.

I winyo ningo kono?

PE IGEN NGO ITYE KAWINYO ITAMMI

A Kricitayo kwo piye Gabipiny kede poppere. Cikkere me coccere en tekowa. Cal man me Gar nyutu kit ame coc, Niye kede winy tio kede karacel ikwo a kricitayo.

lang3

  1. Ateni tye kede teko metellowa.
  2. Wan okubbere ikom teko me ateni kede niye.
  3. Pe olubbo ngo ame owinyo itamwa.
  4. Ogenno Gabipiny kede ateni mere pe ngo ame owingo itamwa.

ACO AMAN DONG IGAMO KRICITO

Oyot-yot inge gammo Kricito gin apol atimmere:

  1. Kricito abinno ikwoni. (Nyut A Lakana 3:20, Jokolocai 1:27)
  2. Rocci dong acaccoro (Jokolocai 1:14)
  3. Idokko atin a Gabipiny. (Lakana 1:12)
  4. Ibicakko niang yik kede tekop me kwoni. (Lakana 10:10; 2 Jokolinti 5:14,15,17)
  5. Ngo aber ame itammo akatto gammo Yecu?Irommo pwoyo Gabipiny amani pi timmi ber?Pwoyo Gabipiny nyutto niye ni, Aco, obak dogwa.

Ngo okene?

YO MEDONGO I KRICITO

Acalo akricitayo myero idongi:

Tam maggi twerro konyi:

  1. Bak-doggi didik bot Gabipiny. (Lakana 15:7)
  2. Kwan coc a Gabipiny (Tic okwena 17:11) Cak kede Jiri A Lakana.
  3. Winy Gabipiny kare i kare. (Lakana 14:21)
  4. Bed caden a Kricito i kwoni kede koppi. (Matayo 4:19; Lakana 15:8)
  5. Gen Gabipiny pi jami ducu me kwoni. (1 Petero 5:7)
  6. Mi Gabipiny lo dok mii tek mebeddo caden nino ducu. (Jo-galatia 5:16,17; Tic okwena 1:8).

KANICA PIRE TEK

Dulle ka ocanne karacel olyel tutwal. Ka ikwanyo acel tenge ipinyang ic maccere cakko to oko. Kite acellono bedo tek boti mebedo akricitayo piwi keni.

Pire tek ni myero iribbere kede jo okene ame ogamo Kricito balla Rwot kede Alar.

Myero iwot i kanica ame jo mere ye ni coc a Gabipiny kokko ateni dok kaname jo mere winyo Kricito. (Joeburania 10:25).

ADDITIONAL ASSISTANCE