Kobiji bintu bya buntunshi, kabiji kuji ne bintu bya bu Mupashi, byo etusakila Lesa kwikelamo mu lumvwañano lumo ne aye mwine.


1.KINTU KITANSHI

Lesa wakutemwa ne kukumwena jishinda ja lupulukilo Iwa mweo wobe.

BUTEMWE BWA LESA

Pakuba Lesa byo ebatemwisha ba panopantanda, wapaine Mwananji, yenkawa umo ye asema, amba, bonse bamwitabilá kechi bonaike ne, poso amba bekale na bumi bwa myaka. (Yoano 3:16)

KUNENGEZHA KWA LESA

Byo aamba Yesu'mba amiwa naishile namba bamone bumi, kabiji namba bekale nabo bwavulá. (Yoano 10:10)

Bantu bavula kechi babenakumona bibusa byavula mu bwikalo bwabo ne. Mambo ka?......


2.KINTU KYA BUBIJI

Muntu waabana na Lesa mambo ye ndenga mambo. Onkao mambo kechi wakonsha kuyuka, ne kumona butmwe bwa Lesa ne byo bamunengezbezha bya mu bumi bwanji ne.

MUNTU YE NDENGA MAMBO

Mambo bonse balenga mambo kabiii bapelelelatu ne kufika ku lukamo Iwa Lesa ne. (Loma 3:23)

Muntu walengelwe amba ekale mu lumvwañano lumo na Lesa, bino aye wisalulwijile jishinda janji mwine. Ne lumvwañano na Lesa Iwapwile, bino byo byatongolwa mu Buku wa Lesa, amba bo bundenga mambo: (1) inge muntu wakana Lesa; (2) inge muntu wabula kwakamwa Lesa; (3) inge muntu wabula kwikala bwikalo bwa lumbuluka bwasaka Lesa.

MUNTU WAABANA NA LESA
Mambo mfwveto ya bundengamambo lo lufu. (Loma 6:23)

luba1

Lesa wazhila, ne muntu ye ndenga mambo; paji Iwabano lukatampe pakachi. Ne uno muntu ubenakweseka mashinda anji onse a kuya na kofikilamo kwi Lesa mu bwikalo bwanji, ne mu milanguluko yanji, ya kwikala bwikalo bwalumbuluka mu kwimwesha amba ye mwina Kilishitu, bino mashinda anji onse akankalwa.

Kintu Kya Busatu kyakonsha kwitulumbulwila bino bintu....


3. KIUTU KYA BUSATU

Kujitu jishinda jimo jonka jo akonsha muntu kufikilamo kwi Lesa, kana waitabila mwi Yesu Kilishitu witufwijile, ne kuyuka butemwe bwanji, ne byo amulangulukijile mwa kwendela mubwikalo bwanji

YESU KILISHITU WAFWILE NE KUSANGUKA
Mambo Kilishitu naye wiamanamijile mambo jimo jonka, aye waoloka na mambo a babula koloka, amba, etufikizhe kwi Lesa. (1 Petelo 3:18)

Bo emweshesheko mumi pa kupita kumanama kwanji mu biyukilo byavula, kasa amweka kwi abo moba makumi ana, kasa aamba bya bufumu bwa Lesa. (Byubilo 1:3)

AYE YE JISHINDA
Kumvwa Yesu wamwambile'mba, Amiwa ne jishinda, ne bukine, ne bumi: ka paji wiya kwi Batata ne, poso pe amiwe. (Yoano 14:6)

luba2

Mwine ye wasendele mambo eta mu mubiji wanji konka ku kichi, amba atweba, byo twafwile ku bundengamambo, twikale monka mu bololoke; ko ku bipumo byanji ko mwabukijilwe. (I Petelo 2:24)

Kechi kyafwainwa kuyukatu bintu bisatu ne....


4. KINTU KYA BUNA

Twafwainwa pamuntu pamuntu kumutambula Yesu Kilishitu ekale ke Mupulushi ne Nkambo yetu; bino tukakonsha kuyuka ne kumvwa butemwe bwa Lesa ne byo alangulukijile jimo mwa kwendela.

TWAFWAINWA KUMUKETEKELA PA KUMUTAMBULA
Pakaba bonse mo bevujila bamutambwile, i bo bo apele lusa Iwa kwikala ke bana ba Lesa. (Yoano 1:12)

Pakuba ko ku bupe ko mwapulukila monka mu Iwitabilo; kabiji kechi kyo kintu kyafuma kwi anwe bene ne, kyo kya kupanatu aye Lesa; kechi kya mu mingilo ne, uchina'mba, muntu nangwa umo waketota. 

(Efisesa 2:8-9)

TUMUTABMULA KILISHITU PA KUMWITA SATWELE MU MICHIMA YETU
Tala, naimana ku kibelo kasa nkokaula: umvwe muntu waumvwa jiwi jami ne kunshikwilako, amiwa nkatwela mo aji ne kuja nanji, ne aye ne amiwa. (Lumwekesho 3:20)

Kechi kyafwainwa kwitabatu, pa kumvwa byambo byanji ne. Kumutambula Kilishitu, kyatongol'mba kwalulukila kwi Lesa ne kuleka buntu bwetu ne kuketekela Kilishitu, kutwela mu michima yetu Pa kwitulekela mambo etu, ne kwipana kwi aye, ne kwitwalulwila monse mo erusakila kwikela

luba3

Ñanyi bwikalo bo mujimo pa kutala pa bano bantu?
Ñanyi bwikalo bo musaka papo?

Byalondelapo bitulumbulwila byo twakonsha kumutambula Kilishitu


WAKONSHA KUMUTAMBULA KILISHITU PONKA PANO

Mwipuzhe atwele mu muchima wobe, ubetekele akya kyo alaya, aye wateshakotu muchima ku milanguluko yobe kukila byo waamba pa kanwa. Lomba inge wasaka:

"Yesu Nkambo, nemusaka. Najikwikalanga monse mwasakila muchima wami, ne kwimulenga mambo, nasanta pa kundekelako mambo ami onse. Twelai mwi amiwa, ne kuntangijila, ne kungalula ke mulengwa mupya."

Ino milombelo ya mwesha kusaka kwa muchima nyi?

Inge mwasaka lombai ponka pano, ne kilishitu usakutwela mu muchima wenu byonka byo alaya kuba.


KAYUKILO KA KUYUKAMBA KILISHITU TUJI NANJI MUMICHIMA

Mwamutambulatu ponka pano Kilishitu mu muchima wenunyi? Byonka byo alaya mu buku wa Lumwekesho 3:20 nyi? 

Kilishitu uji pi pano? Kilishitu waamba'mba wakonsha kwikala mwi anweba. Wimubepanyi? Mambo mwamwitabila, ne byambo byanji pamo.

BUKU WA LESA WALAYA BUMI BWA MYAKA KU BONSE BAMUTAMBULA KILISHITU

Kabiji kushimuna kwanji ko ko kuno, amba, Lesa witupele bumi bwa myaka, ne buno bumi buji monka mwi Mwananji. Awa uji na yewa Mwana ye uji na bumi; kabiji aye wabula Mwana Lesa ye wabula bumi. Bino bintu nemunembela anweba mwaitabila mu jizhina ja Mwana Lesa namba muyuke'mba, tuji na bumi bwa myaka. (I Yoano 5:11 - 13)

Kasa umusanchila Lesa moba onse mambo Kilishitu bo bumi bobe, pakuba aye mwine waambile amba, Kechi nkakushe nangwa kachechetu ne (Bahebelu 13:5). Wafwainwa kuyuka'mba Kilishitu uji mwi obewa kabiji amba maji na bumi bwa myaka monka mo alayijile

Pakaba ñanyi bintu bileta lusangajiko?


KUTA MUCHIMA KU BINTU BILETA LUSANGAJIKO NE

Bwikalo bwa mwina Kilishitu ke bwa kumwitabila Lesa ne byambo byo aamba mu buku, kasa tuketekela mu byambo byanji.

Uno shitima ubenakwitulumbulwila Buku wa Lesa, ne Iwitabilo ne bintu bileta lusangajiko byo bingijila pamo.

luba4

Shitima wakonsha kwenda nangwa banungako nangwa kwa kubula jitolokoshi ja kalama. Kyakonsha kwikala ke kya kukaishatu kweseka'mba mutwe wa shitima bamukoke ku jitolokoshi. Po pamo ne atweba byo tuji bena Kilishitu kechi tuketekele mu byalusangajiko ne. Nangwa bilenga muchima kuzakama ne, pa kwikala na Iwitabilo mu byaambwa mu Buku wa Lesa.


PANO WAMUTAMBULA KILISHITU

Ko kaba'mba kyonka kimye kyo wamutambula Kilishitu bintu byavula byaubiwa:

  1. Kilishitu uji mvi, obewa. (Lumwekesho 3:20; Kolose 1:27)
  2. Mambo obe onse alekelwa. (Kolose 1:14)
  3. Waikala ke mwana Lesa. (Yoano 1:12)
  4. Usakutendeka kuyuka ne kumvwa byo akulangulukila jimo Lesa mwa kwendela mu bwikalo bobe. (Yoano 10:10)

Wakonsha kulangulukapo kintu kiwabo kyawama kyakukila kumutambula Kilishitunyi?
Wakonsha kumusanchila mu milombelo Lesa ponka pano na byo a kabilanyi?

Kupopwela Lesa kyo kimwesha Iwitabilo....

Kika pano....


BINTU BIMO BYAKONSHA KUKUKWASHA KUKUKOMESHA MU BWINA KILISHITU

Mwina Kilishitu usaka kukoma Ino milanguluko ikakukwasha:

  1. Kasa ulomaba kwi Lesa pajuba pajuba. (Yoano 15:7)
  2. Kasa utanga bukumu wa Lesa pajuba pajuba. (Byubilo 17:11)
    Tendeka na buku wa Yoano.
  3. Kumakokela Lesa mu bimye byonse. (Yoano 14:21)
  4. Kasa umutota Kilishitu mu bwikalo ne mu byambo. (Mateo 4:19; Yoano 15:8)
  5. Kasa upana milanguluko yobe kw Lesa. (I Petelo 5:7)
  6. Kasa upwila pamo na bena Kilishitu bakwenu. (Bahebelu 10:25)

MWANEMENA LUMVWAÑANO LWA MWINA KILISHITU

Buku witubula kupwila pamo no bakwetu bena Kilishitu. (Bahebalu 10:25)

Bishiki bya mujilo inge biji pamo bitema bulongo, pakuba inge wafumyapo kimo ne kwikitula pa bunke bwakyo, kyeya kikepa, kabiji kiya na kuzhima.

Wafwainwa kuya ku kipwilo ko bamunemeka Kilishitu ne byambo byanji, kasa bisapwilwa, kasa usambakana na bena Kilishitu bamwitaba'mba ye mupulushi wabo


 

ADDITIONAL ASSISTANCE