Ita laloa inai bamona, inai tanobada dekenai be,taravatu dia noho, bona inai taravatu ese tanobada dekenai dahaka dahaka idia vara gaudia ibounai ia gaukaralaidia. Inai bamona be hegeregere danu lauma ena taravatu ese ita bona Dirava eda bogaragina dekenai dahaka dahaka idia vara gaudia dekenai ia hakauda bona ia narida.
1. LAUMA ENA TARAVATU GINIGUNANA INAI
Dirava ese oi dekenai la lalokau henia bada herea (Ia bogamu-hisi).
Unai totona ena Plan o ana laloa-bada gaukara namo herea Ia karaia vadaeni oi emu mauri totona.
(Bema oi ese inai buka marakina dekenai Buka Helaga (Bible) ena siri haida oi davaridia inai gaudia be oi emu durua herevadia do oi duahidia. Inai Buka Helaga (Bible) ena siri inai buka marakina dekenai do oi ese oi davaridia gaudia idoinai be inai Bible ladana 'Good News For Modern Man' amo idia hanaia.)
Vadaeni inai hari Lauma ena taravatu ginigunana dekenai be inai gau badadiarua ia herevalaidia, inai gaudia ruaosi be tara-vatu ginigunana ena laloa bada gaudia. Gaudia inai -
DIRAVA ENA LALOKAU (HEBOGAHISI)
"Badina be Dirava ese tanobada ia lalokau henia inai bamona: Iena Natuna tamona Ia henia vadaeni, dohore daika daika ese Ia dekenai do idia abidadama, vadaeni inai taudia iboudiai be do idia mase lasi, to mauri hanaihanai do idia abia." (John 3: siri 16)
DIRAVA ENA PLAN (DIRAVA ESE IA LALOA GUNA GAUNA)
Iesu Ia hereva, Ia gwau, "....Lau mai vadaeni, dohore idia eso mauri do idia abia bada-bada momokani totona (inai be mauri namo herea momokani)." (John 10: siri 10).
To dahaka dainai taunimanima hutuma ese inai mauri badana momokanina, mauri namo hereana dekenai idia noho lasi o idia abia lasi?
(Taravatu namba 2. ese inai henanadai ena haere ia herevalaia do umui itaia bona umui laloa.)
2. TARAVATU IHARUANA (NAMBA 2.) ESE IA GWAURAU IA HEDINARAIA IA GWAU:
BADINA BE...
Taunimanima ese kara dika ia karaia dainai. Taunimanima be mai ena kara dika danu ia noho. Ia ese inai kerere o dika karadia ia karadia totona vadaeni ia bona Dirava ruaosi ena bogara-gina o ihua na dekenai be idia edia padana daudau herea ia noho. Unai totona ia ese Dirava ena lalokau bona ena Plan ia ena mauri totona Ia hahedinaraia bona ia karaia gauna ia diba lasi bona ia moale-laidia lasi.
UNAI DAINAI TAUNIMANIMA BE MAI ENA KARA DIKA BADA HEREA
"Badina be ibounai vada idia kara dika vadaeni, bona ibounai be Dirava ena hairai o namo be idia davaria lasi." (Rome 3:23)
Taunimanima ia vara (Dirava ese ia karaia) be Dirava danu do idia turanakaraia, to gau tamona taunimanima ese be inai bamona ia laloa lasi, taunimanima ia ura be ia sibona mo ena laloa daladia ia ura henia bada, unai totona taunimanima ese ena dala sibona ia abia bona ia raka ma Dirava ia laloa boio, unai totona Dirava danu turann idia karaia gauna be ia dika bona ia makohia vadaeni. Inai be ita sibona ese eda dala ita rakalaia anina be inai bamona, Dirava ese Ia ura henidia lasi daradia bona daladia be ita ese ita karadia bona ita rakalaidia O Dirava ita laloa lasi, o ita gwau Dirava be gau ta lasi. Inai karadia o daladia inai bamona ita karadia o rakalaidia be Buka Helaga (Bible) ese inai gaudia ia gwauraidia be KARA DIKA.
(a) Inai dekenai Taunimanima be Dirava Dekena Amo Ena Padana Ia Daudau Herea
Vadaeni inai be KARA DIKA Ma Buka Helaga (Bible) ese ia gwauraia, ia gwau, "KARA DIKA ENA DAVANA BE DO MASE IA ABIA..." (Rome 6: siri 23)
Inai mase be tau-anina ena mase do ia hanaia-inai mase ena metau bona ena hisihisi be ia bade herea bona do ia mia o noho hanai hanai - inai mase be lauma ena mase ia gwauraia o herevalaia - inai be Dirava dekena amo do padana ia daudau herea bona turana karaia ena dala danu do ia noho-lasi.
Mani inai laulau ruaosi ita itaia. Inai be hegeregere tauni-manima bona Dirava edia turana ia makohia o edia padana ia daudau toana ia hedinaraia.
Hanaihanai taunimanima be ia mai kara dika bada danu ia noho to Dirava be Ia helaga bona maoromaoro. Dirava bona taunimanima idia noho be idau herea, hegeregere koupa dobu bada hereana (deep valley) ese ia hapararaia bamona. Taunimanima be nega ibounai ia ura Dirava dekenai do ia lao do inai mauri badana bona mauri namona do ia abia totona unai ekenai ia ura be ena mauri do ia hanamoa, o ia ura taravatu do ia badinaia, o ma ia laloa sedira tannimanima haida dekediai egu durua lau henia o hanamodia. To inai laloa atai ai ena haere be inai Taravatu namba 3. dekenai do oi davaria o do oi diba.
3.TARAVATU IHATOINA (NAMBA 3.) ESE EDENA BAMONA DO ITA KARAIA DIRAVA DEKENAI DO ITA LAO DALANA IA HEREVALAIA, IA HEDINARAIA
Ia gwau, Iesu Keriso sibona mo dala Dirava ese taunimanima Ia henidia do edia dika (kara dika) do Ia kokia. Iesu ena amo do oi ese Dirava ena Lalokau bona Plan oiemu mauri totona Ia karaia bona Ia hahedinaraia gauna do oi moalelaia
Do ita (taunimanima) ita moale badina be:-
IA BE MASE IA ABIA ITA EDA GABUNA DEKENAI
Paulo ese ia gwauraia ia gwau, "Dirava be ita dekenai ia ura henia be inai bamona Ia hahedinaraia; ita ese inai kara dikadia mo ita karaia noho negadiai Keriso be ita totona Ia mase vadaeni." (Romans 5:8)
SATAURO DORINA DEKENAI BE KERISO ITA EDA KARA DIKA ENA DAVANA METAU IA ABIA.
BONA MASE DEKENAI MA IA TOREISI LOU.
"....Keriso be Ia mase ita eda kara dika totona....Ia guria danu....ma Ia toreisi....Ia lao Petero dekenai Ia hedinarai bona ena memero 12-dekediai danu. Ma gabeai Ia be varavara 500 mai ena kakana ediai Ia hedinarai danu." (1 Cor. 15:3-6)
DALA TAMONA BE INAI IA MO SIBONA
Dirava dekenai do ita ura lao neganai dala be Iesu mo sibona. Ia be ia hereva, Ia gwau: "Lau be dala, Lau be hereva momokani, bona Lau be mauri, dohore inai Tamada dekenai idia Iao gwauraia taudia ibounai idia edia daIa be Lau." (John 14: siri 6)
Dirava be bridge (raka hanai gauna) ta Ia karaia o atoa ma inai gauna ita gwauraia be dala. Inai gauna be Iena Natuna, Iesu Keriso. Inai koura bada o dobu mase-mase dekena amo Ia ese eda hanai gauna dekenai Ia halaoa.
Dirava be ia ena Natuna Iesu Keriso Ia siaia Ia mai inai Satauro dorina dokenai Ia mase, ita eda mase gabu bo Ia ese Ia abia vadaeni.
BEMA TARAVATU TOI (3) SIBODIA MO ITA DIBA INAI BE DO IA HEGEREGERE DIBA LASI....
Unai dekenai inai taravatu namba 4. danu do ita itaia bona laloa be do ia namo bona do ia durua.
4.TARAVATU IHAHANINA (NAMBA 4.) BE IA HEREVA IA GWAU INAI BAMONA
Ita ta ta sibona be Iesu Keriso do ita abiadae Ia be ita eda Hamauria Tauna bona ita eda Lohiabada. Bena ita ese do ita diba inai Dirava ena lalolkau bona ena plan ita eda mauri totona Ia henida bona Ia karaia gauna dekenai, bona ita moalelaia danu.
ITA ESE IESU DO ITA ABlADAE MOMOKANI
"A haida ese Ia dekenai idia abia dae bona ena ladana idia abiadae (abidadama henia) una dekenai Ia ese siahu inai taudia Ia henidia, ma idia be Dirava ena natuna idia, gwauraia." (John 1: siri 12)
ITA ESE KERISO ITA ABIADAE BE EDA ABIDADAMA, DEKENAI AMO DO ITA ABIADAE MAI MOMOKANI IDA
Paulo ia gwau: "Badina be harihari-bada ese mauri ia henimui vadaeni, inai be abidadama dainai; to umui sibona ese umui karaia gauna lasi, a inai be Dirave ena harihari-bada ese ia karaia gauna." (Efeso 2: siri 8)
KERISO ITA ABlADAE BE SIBONA TATA BE IA DEKENAI ITA BOIRIA
(Motu idia gwau be 'Vavea' o Beiria).
Iesu Ia gwau: "Umui itaia, Iau be inai iduara badi-badi dekenai lau gini noho, bona lau pidipidi noho; ta ese lau egu boiboi ia kamonaia bona ena íduara ia kehoa dohore lau raka vareai, ia dekenai dohore ai be ruaosi do ai aniani hebou." (Apokalupo 3: siri 20)
Keriso ita abiadae anina be dohore ita be Dirava dekenai do ita lou henia. Keriso do ita ese ita abidadama henia bena dohore Ia ese ita eda mauri lalona dekenai do Ia vareai, do Ia noho. Ia ese eda kara dikadia do Ia gwaudiatao (kokia oho), bona Ia eso do goada ma Ia henida, bona Ia be do Ia duruda bona ita ese Ia ena ura bona laloa bamona o hegeregere do ita karaia bona ita noho. Iseda abidadama be Dirava mo dekenai. Iseda laloa o iseda hemami ita abidadama henia lasi badina idia senisi mono. Nega haida idia moale, nega haida lalohisihisi, to Dirava ena Hereva ia senisi diba lasi. Bema Ena Hereva mo ita abidadama henia ita manoka daba lasi.
MANI INAI LAULAU - CHAIR RUA OI ITADIA BONA OI LALODIA
|
|
||||
BEMA OI ESE GURIGURI OI GWAURAIA NEGANAI BE DOHORE INAI BAMONA DO OI GURIGURI
GURIGURI:
"Iesu Lohiabada e, Iau be lau ura oi. Lau ese egu mauri ena iduara be lau kehoa oi totona, bona lau abiadae oi be lau egu Hamauria Tauna bona lau egu Lohiabada. Lau ese lau hanamomu badina be Oi ese egu dika Oi gwaudia-tao totona. Egu mauri be oi emu ura hegeregere bamona do lau nogo."
Inai guriguri ese oiemu mauri ena ura korikori dalana ia hahedin-araia o lasi?
Bema oi gwau io, vadaeni harihari oi ese emu guriguri ta ma oi gwauraia Keriso dekenai do la mai oiemu mauri lalona dekenai do Ia raka vareai, badina be Ia vada gwau-hamata vadaeni.
EDENA BAMONA OI DO DIBA KERISO BE OI EMU MAURI DEKENAI O LALONAI IA NOHO VADAENI
Oi be Keriso oi abiadae vadaeni inai eiemu mauri dekenai? Keriso be Ia gwauhamata vadaeni inai Apokalupo 3: 20, ai Ia gwau: bema ita ese iduara ita kehoa, do Ia raka vareai.
Bena harihari ita laloa Keriso be edeseni Ia noho?
Ia be do ia hereva koikoi diba lasi.
BUKA HELAGA (BIBLE) BE GWAUHAMATA IA HENIA VADAENI-MAURI HANAIHANAI BE KERISO DEKENAI IDIA ABIADAE TAUDIA ESE DO IDIA ABIA.
Ia gwauraia: Ia "Ena hereva inai bamona. Dirava ese mauri hanaihanai Ia henidia vadaeri, bona inai mauri hanihanai be Iena Natuna lalona dekenai ia noho. Natuna ia abiadae tauna ese inai mauri ia abia, to Natuna ia abiabae lasi tauna ese inai mauri ia abia lasi. Inai Dirava Natuna dekenai umui abiabiraia taumui dekenai inai revareva lau torea umui emui, bona do umui diba, umui be mauri hanaihanai umui abia vadaeni." (I John 5: siri 11-13)
Nega ibounai Dirava do umui hanamoa badina be Keriso be umui emui mauri lalonai la noho vadaeni. Oi diba danu inai mauri Keriso be oiemu lalona dekenai la noho bona mauri hanaihanai be oi abia vadaeni, inai be oi noinoi Ia mai oiemu lalona dekenai Ia vareai, badina be Ia ese ena gwauhamata Ia henia vadaeni. Ia ese ena gwauhamata oi/umui dekenai do la hakoikooia diba lasi.
INA DALA ENA MAMINA BE EDENA BAMONA ITA ABIA?
Sedira taunimanima haida be mamina dekenai idia laloa o abiadae to oi/ita laloa:
OIEMU MAMINA DEKENAI OIEMU ABIDADAMA OI ATOA LASI
Ita be Dirava ena gwauhamata herevana dekenai ita abidadama to ita eda rnamina dekenai do ita abidadama lasi. Ita eda mamina (feelings) be nega iboudiai ia idauidau. Nega haida inai gau ibounai dekenai mamina ita abia hegeregere dika ta lasi o ia namo to bema kerere ia daekau o hedinarai neganai be ma ita daradara. Ekalesia taudia be abidadama dekenai idia mauri, inai be Dirava ena gwanhamata ia giroa lasi o ia idau lasi gwauhamatana dekenai ita eda abidadama ita henia. (John 14 siri 21)
Mani inai tractor ena laulau do umui itaia bona ia ese ia hahedinaraia ena sivarai be ita eda laloa do ia durua.
Inai tractor bona ena trailer ese idia hahedinaraia dahaka totona ita be inai eda mamina dekenai do ita abidadama lasi. Inai tractor be hegeregere Dirava ena gwauhamata Iena hereva lalonai bamona. To inai trailer be hegeregere ita eda abidadama Dirave dekenai bona ena hereva dekenai bamona. Ma inai Kohu (cargo) inai tractor ena latana dekenai idia noho gaudia be hegeregere ita eda mamina (feelings) bamona. Ma inai kohu (cargo) sibona ese be gau ta do ia karaia diba lasi inai tractor bona trailer ruaosi dekenai do ia durudia lasi. Bona inai tractor be sibona do ia heau diba to inai trailer ese inai tractor be do ia veria diba lasi. Unai dekenai ita eda abidadama be inai tractor dekenai ita atoa o ia noho - inai be Dirava ena gwauhamata do ia makohia diba lasi. Nega ibounai Dirava dekenai ita kamokau o haboua tamona inai abidadama dekenai o abidadama ai. Ita ese inai gwauhamata dekenai do ita adidadama to eda mamina edena bamona ita abia dekenai do ita abidadama lasi. Inai mamina dekenai be do ita abidadama lasi.
HARIHARI BE KERISO OI ABIADAE VADAENI
Inai oi emu abidadama Keriso oi ese oi abiadae inai hora lalonai (neganai) be gau momo danu idia vara o hedinarai.
Ma Gaudia Hida Be Inai
- Keriso be oiemu mauri lalonai Ia vareai vadaeni.
- Oiemu dika danu Ia gwaudia-toa o kokia vadaeni.
- Oi be Dirava ena natunai dekenai Ia halaoa vadaeni.
- Inai oi ese inai mauri matamata namo herea oi hamatamaia neganai be Dirava ia karamu anina bunai.
Ma oi ese dala namodia haida oi lalodia do idia vara oi dekenai inai Keriso oi abiadae ena murimurina kahana dekenai idia noho, o?
Oi ura harihari Dirava dekenai emu guriguri ai oi hanamoa, badina be Ia ese dala haida ia karadia oi totona gaudia dainai?
Bema oi be Dirava inai bamona do oi hanamoa neganai be oiemu abidadama dekenai oi hahedinaraia.
TO OI LALOA MA DAHAKA IDIA NOHO?
Inai: EDENA BAMONA EKALESIA ENA MAURI DEKENAI ITA TUBU.
Ekalesia dekenai ita tubu ena mai gabuna be inai Iesu Keriso dekenai ita abidadama henia dina ibounai dekenai o lalonai. Bema inai Dirava dekenai ita abidadama bada-bada neganai ma Ia dekenai danu inai gaukara badadia o maragidia karaia lalonai do ita abidadama henia inai dina iboudiai dekenai o lalonai. Bona inai Buka Helaga ena hereva ese danu do ita ura tubu Ekalesia ai durua herevadia ia henia.
Hari ita gwauraidia bukaidia inai, Ekalesia dekenai ita tubu ena durua ita dekonai do ita itaia o duahia gaudia. To inai hereva ta English ai idia gwauraia idia gwau 'GROWTH' o Motu gado ai be ita gwauraia 'IHATUBUNA' o 'IHAGOADANA' - HATUBUA O HAGOADAIA inai bema Hiri Motu ita herevalaia dalana be unai bamona do ita gwauraia. Bema inai Growth Moto gado ai letter ta ta dekenai ita gaukara laia be do ia auka, una dainai English gado ai idia haeroa dalana dekenai ita gaukaralaia.
G - |
Go to God every day in Prayer. (John 15:7) Guriguri amo Dirava dekenai do oi lao dina ibounai. |
R - |
Read God's Word every day. (Acts 17:11) Dirava ena Hereva do oi duahia dine ibounai. |
O - |
Obey God at all times. (John 14:21) Hanaihanai Dirava ena hahegani oi badinaia. |
W - |
Witness for Christ by your life and word. (John 15:8; Matt. 4:19) Oi ese emu mauri bona emu horeva amo Keriso do oi gwauraia hedinarai. |
T - |
Trust God for everything in your life. (1 Peter 5:7) Dirava do oi abidadama henia badina inai oiemu mauri lalonai gau iboudiai idia noho totona. |
H - |
Holy Spirit - Allow Him to give you power for your living and witness every day. (Gal. 5:16-17; Acts 1:8) Lauma Helaga oi abiadae vadaeni siahu ia henia oi emu noho dina ibounai Iesu Keriso oi hahedinaraia namonamo totona. |
DUBU IHANAMONA O ENA NAMO BADINA O DALANA
Inai Hebrew 10: siri 25 lalonai ita duahia be ia ese inai sisiba herevana ia henia, ia gwau: inai dubu (Ekalesia) ena gaukara dekenai bona hebou dekenai be ita noho lasi to ita lao, inai taunimanima haida idia karaia bamona, idia noho kava bamona ita karaia lasi. Hegeregere herevana be inai bamona: Bema lahi dekenai au raku-raku momo ita rakua o atoa dohore lahi badana do ia araia o daekau momokani. To bema au raku-raku tamona mo sibona ita rakua o ha-araia neganai be do ia goada lasi do ia bodo.
Bema oi be local church ta dekenai oi hebou o vareai lasi vadaeni do oi naria noho-lasi tau ta do ia mai do ia nanadaimu. Dohore oi sibona oi lao. Oi lao inai Keriso idia tomahenia diho momokani bona Dirava ena Hereva idia harorolaia gabudiai-Ekalesia-dia ediai, edia haroro taudia (minister or priest) dekediai do oi henanadaia.
NAMONA BE DO HARIHARI OI HAMATAMAIA BONA IA LAO NEGA HANAIHANAI.