Nk´oku hariho ebiragiro by´obuhangwa ebitegyeka ensi yoona, hariho n´ebiragiro by´Omwitsyo Orikwera ebitegyeka obutuura bwawe na Ruhanga.

1. EKIRAGIRO EKY´OKUBANZA: RUHANGA NAAKUKUNDA KANDI AKUTE--EKATEEKYEIRE EBINTU EBY´OKUTANGA-- AZA OMU MAGARA GAAWE.

RUKUNDO YA RUHANGA:

Ruhanga ahabwokukunda ensi munonga, akahayo Omwana we omwe nyamunegyere, ngu omuntu weena orikumwikiriza arekye kuhwerekyerera, kureka atungye amagara agatahwaho." Yohaana 3:16

ENTEEKATEEKA YA RUHANGA:

(Yesu Kristo naagira ati) "Nyowe nkaija ngu mugire amagara, kandi ngu mugire maingi munonga. (amagara ageijwire obusingye n´okushemererwa). Yohaana 10:10

Ahabw´enki abantu abarikukira obwingi bateine amagara marungi aga?

2. Ahabw´okuba: EKIRAGIRO KY´AKABIRI: OMUNTU AKASHIISNA KANDI AKAATANUUKANA NA RUNANGA, N´EKYARUGIREMU TARIKUBAASA KUGIRA OBUSINGYE, N´OKUSHEMERERWA OMU MAGARA GE.

OMUNTU N´OMUSIISI.

"Ahakuba boona bakashiisha, kandi tibarikuhika ha kitiinisa kya Ruhanga." Abarooma 3:23

Omuntu akahangwa ngu akorere hamwe na Ruhanga, kwonka ahabw´okweyendeza kwe okugangeire aketooranira omuhanda gwe ogw´okwetegyeka, n´ekyarugiremu okukorera hamwe kwe na Ruhanga kukahwaho. Okwetegyeka okwe nikweyorekyera omu mutima gwe, nokutakwatanisa nawe, nikyo Baibuli eyeta "EKIBI."

OMUNTU AKATAANUKANA NA RUHANGA:

"Ahakuba ebihembo by´ekibi n´okufa" (omuntu okutaanukana na Ruhanga n´okureeba enaku nyingi ebiro byona).
Abarooma 6:23

run1

Ruhanga n´Orikwera kandi omuntu n´omusiisi. Oruhanga ruhango ruwi ahagati yaabo bombi. Omuntu atuura naateeraho n´obwengye bwe wenka kuhika Ruhanga ngu atungye amagara ageijwire obusingye n´oku- shemererwa omu mitwarize mirungi n´okwerinda omu by´ediini n´ebindi: kwonka byona biburamu omugasho.

Ekiragiro kya kashatu nikyo kirikutworeka omuhanda:

3. EKIRAGIRO KYA KASHATU:

YESU KRISTO NIWE KITAMBO KYONKA KYA RUHANGA AHABW´EKIBI KY´OMUNTU. OMURI WE NIMWO ORIKUBAASA KUMANYIRA N´OKWETEGYEREZA RUKUNDO N´ENTEEKATEEKA EYA RUHANGA AHA MAGARA GAAWE:

AKAFA OMU MWANYA GWAITU:

"Kwonka Ruhanga ayoreka okukunda kwe oku atukunda, ahakuba kutwabeire tukiri abanyabibi, Kristo yatufeera." Abarooma 5:8

AKAZOOKA OMU BAFU:

"KU yaaherize kubonabonesibwa, yaabeeyoreka ahuriire, yaakihamisa obumanyiso bwingi, yaamara ebiro makumi ana naabeeyereka, naabagambira eby´obukama bwa Ruhanga." Ebyakozirwe 1:3

NIWE MUHANDA GWONKA:

Yesu, yaamugambira ati: "Niinye muhanda, n´amazima, n´amagara; tihariho oija ahari Isheboona, atarabire omuriinye." Yohaana 14:6.

run2

Ruhanga akatinda oruhanga orwo obuyaayo- hereza omwana we Yesu Kristo okutufeera aha musharaba omu mwanya gwaitu.

Okumanya ebiragiro bishatu ebi kwonka tikirikugasha.

4. EKIRAGIRO KYA KANA:

BURl OMWE ASHEMEREIRE OKWIKIRIZA YESU KRISTO NK´OMUJUNI KANDI NKA MUKAMA WE: REERO TUBONE KUMANYA N´OKWETEGYEREZA RUKUNDO N´ENTEEKATEEKA YA RUHANGA AHA MAGARA GAITU.

TUSHEMEREIRE OKWAKIIRA KRISTO

"Kwonka boona abamwakiire, abo abaikiriize eiziina rye, akabaha obushoboorozi okuba abaana ba Ruhanga."
Yohaana 1:12.

TWAKIIRA KRISTO OMU KWIKIRIZA:

"Mumanye ngu embabazi ze nizo zaabajunire ahabw´okwikiriza, ti habw´okukora kwanyu. kureka n´ekiconco kya Ruhanga, ekitararugire omu mirimo ngu hatagira omuntu weena owaayehimbisa."
Abaefeso 2:8‹9.

AMAGARA AGARIKWETEGYEKA:

NITWAKIIRA KRISTO KUTURIKUMWEYETERA ITWE TWENKA:

(Kristo naagira ati) "Reeba, nyemereire aha rwigi, nindukongoota niinyiguza; omuntu weene, ku araahurire eiraka ryangye yaanyigurira, niinyija kutaaha omu mutima gwe.
Kush: 3:20

Omu kwakiira Kristo harimu okuhindukira Ruhanga, waaba buzima okihire aha mutima. Nitwesiga Kristo okwija omu magara gaitu n´okutuhindura akatudoresa ebyarikwenda. Tikiine mugasho okumwikiriza omu bwengye bwonka nari okujunwa ahabw´omuhimbo gwonka. Ebishushani ebi bibiri nibyoreka amagara ag´emiringo ebiri:

AMAGARA AGATEGYEKWA YESU:

run3

-Kwehimbisa (nyowe) niwe ashutami aha
ntebe y´omumaga - a g´omuntu n´agategyeka.

-Kristo tari aha ntebe y´amagara ge, omuntu
ogu ebi akunda bitegyekwa "kwehimbisa" we,
haza birugamu okubura obusingye n´okutagira
okushemererwa omu magara ge.

 run4

- Kristo ari aha ntebe y´amagara ge
naagategyeka.

- "Kwehimbisa" (nyowe) aihirwe aha
ntebe omuntu ogu ebi akunda
bitegyekwa Ruhanga haza birugwamu
obusingye n´okushemererwa.

Omu bishushani ebi byombi, nikiiha iwe ekirikworeka amagara gaawe nk´oku gari?

Ni kiiha ekiwaakwenzire ngu kyoreke amagara gaawe?

Ebirikukurataho nibishoboorora nk´oku orikubasa kwakiira Kristo okumutaasya omu mutima gwawe.

NOOBAASA KWAKIIRA KRISTO HATI - HATI:

Noobaasa kwakiira Omu kushaba (okushaba kuba okugamba na Ruhanga). Ruhanga naamanya omutima gwawe kandi naakira kufa aha buteeka bw´omutima gwawe okukira ebigambo ebyokoresa omu kushaba. Noobaasa okusnuba oti:

"Mukana Yesu, naayetagyereza ku ntuura nintegyeka amagara gangye kandi ku nsiisire omu meisho gaawe. Mbwenu hati naigura orwigi rw´amagara gangye ninkwakiira nk´omujuni kandi nka Mukama wangye. Naakuha amagara gangye ontegyeke, onkorese ebyorikwenda." AMIINA

Okushaba oku kwakworeka okwetenga kw´omutima gwawe? Ku kiraabe kiri kityo shaba eshaara egi hati haza Kristo naija kutaaha omu magara gaawe nk´oku yaaraganiise.

BAIBULI EKARAGANISA AMAGARA AGATAHWAHO AHARI ABO BOONA ABAIKIRIZA KRISTO.

"Kandi oku nikwo kuhamya okwo, ngu Ruhanga akatuha amagara agatahwaho, kandi amagara ago gari omu Mwana we (Yesu Kristo). Omuntu oine ogwomwana niwe aine amagara otaine Mwana wa Ruhanga taine magara. Ebi naabibahandiikira imwe abaikiriza eiziine ry´omwana wa Ruhanga, ngu mubone kumanya ku mwine amagara agatahwaho" Yohaana 5:11‹13.

OKU ORIKUBAASA KUMANYA NGU KRISTO ARI OMU MAGARA GAAWE.

Yesu akaraganisa kwija omu magara gaawe kwori mushaba omu kwikiriza. Mbwenu shi buzimazima, waamushaba kwija omu magara gaawe? Noogira ngu, Yesu naabaasa okukubeiha? Mbwenu okisiimire Mukama okureeba ngu Yesu yataaha omu magara gaawe. Hati oine amagara gatahwaho kandi Yesu aryaguma naiwe. (Matayo 28:20) 
Kandi shi eby´okwehurira kw´omubiri?

OTAKAAYEGAMIRA EBYOKWETENGA KW´OMUBIRI:

Ekigambo kya Ruhanga nibwo buhamizo bwaitu bwonka. Ebiturikuhurira omubiteekateeko byeitu n´omu mubiri, tibyo turikugyenderaho. Omukristo agyendera aha bwesigwa bwa Ruhanga n´ekigambo kye. Hati waahinduka omwana wa Ruhanga. Tihariho ekirikubaasa kuhindura amazima age. Noobaasa kuhurira omutima gwawe nigukugira ngu tori mwana wa. Ruhanga. Ebyo n´ebishuba bya Setaani. Tihariho ekirikubaasa kuhindura ekyo eki Ruhanga yaakora omu magara gaawe.

train

Ingini y´egaari y´omwika n´ebaasa kugyenda yaaba ekomeirweho ebindi bigaari, nari byaba bitariho. Kwonka ebigaari tibirikubaasa kukurura ingini y´egaari y´omwika, n´bubby´akukora bita. Nikyo kimwe naitwe (Abakristo) titushemereire kutwarwatwarwa ebiteekateeko ebiturikwehuriramu. Kwonka tushemereire kuta okwikiriza kewitu omu Kigambo kya Ruhanga ekya mazima ekitushoma omu Baibuli.

HATI WAAYAKIIRA KRISTO:

Obu waayakiira Kristo omu kwikiriza, haabaho ebintu omu riiwe.

  1. Kristo yaataaha omu magara gaawe (Kus. 3:20; Kol. 1:22).
  2. Ebidi byawe byakusaasirwa (Kol. 1:14)
  3. Waahinduka omwana wa Ruhanga (Yohaana. 1:12).
  4. Waatandika omurimo muhango ngu Ruhanga yaakuhangiira. (Yohaana 10:10)
Nooteekateeka ngu hariho ekindi kintu ky´okutangaaza ekirikubaasa kukubaho okukira okutunga Kristo?

Okaayenzire kisiima Ruhanga hati omu kushaha ahabw´ekiyakukoreire? Okusiima Ruhanga kworeka okwikiriza.

OKU OMUKRISTO ASHEMEREIRE OKUKURA OMU MWITSYO ORIKWERA KUGUMA OMU KWESIGA YESU, "OHlKIRIlRE ARYAGIRA AMAGARA AHABW´OKWIKIRIZA." Gal. 3:11.

Okwikiriza kuryakubaasisa kuguma nooysiga Ruhanga n´amaani gaawe omuri buri kimwe kyona. Ijuka kukora ebi:

  1. Shaba Ruhanga buri izooba (Yoh. 15:7)
  2. Shoma ekigambo kya Ruhanga buri izooba (Byak. 17:11). Haza obanze  n'engiri ya Yohaana.
  3. Yorobera Ruhanga buri kaanya (Yoh. 14:21)
  4. Ohe obujurizi bwa Kristo omu magara gaawe n´omubigambo byawe (Mat. 4:19; Yoh. 15:8)
  5. Yegamira Ruhanga omu buri kikorwa kyona ky´amagara gaawe (1 Pet. 5:7)
  6. Teerana n´abantu abandi abeikirize Yesu Kandi abarikumukunda. (Bah. 10:25)

Omu Baheburaayo 10:25, nitugambirwa omugasho gw´okuteerana kwa Abakristo. Gyenda omu kanisa ahu ekigambo kya Ruhanga kigambirwa kandi ahu Yesu arikuhimbisizibwa.

AKATABO AKA KUKARAABE KAKUGIRIIRA OMUGASHO KANDI KAAKUHWEREIRE, NIKIRUNGI OKASHOMERE ONDI MUNTU, NARI OKAMUHE.

ADDITIONAL ASSISTANCE