Omu buhangwa haroho ebiragiro ebitahinduka ebirema buli kintu omu nsi enu, gamba izooba tirituruka bugwaizooba. Omumulingo nugwo gumu haroho ebiragiro by'Omwoyo ebitahinduka omukukorrana kwaitu na Ruhanga.

1. EKIRAGIRO EKYOKUBANZA

Ruhanga nakugonza kandi anyina entegeka yamahano habwobwomeezi bwawe.

OKUGONZA KWA RUHANGA
"Baitu Ruhanga nukwo yagondeze ati Ensi, nahayo Omwanawe ayazairwe omu wenka, Omuntu weena anyakumwikiriza aleke okubura baitu atunge obwomeezi obutahwaho." (Yohana 3:16)

EKIGENDERERWA KYA RUHANGA
Yesu Kristo nagamba, "Nyowe nkaija zibe n'obwomeezi kandi zibe nabwo obwingi." (Yohana 10:10).

Tibali abantu boona abamanyire ngu banyina obwomeezi bunu obwingi.

2. EKIRAGIRO EKYAKABIRI

Omuntu musiisi kandi ekibikye kikamwahukaniza na Ruhanga; nahabweki tasobora kumanya okugonza n'entegeka ya Ruhanga habw'obwomeezibwe.

OMUNTU MUSIISI
"Baitu boona bakasiisa kandi tibahikireire ha kitinisa kya Ruhanga." (Abarumi 3:23)
Omuntu akahangwa kukorrana na Ruhanga baitu habwobweremebwe akacwamu kukwata omuhanda gwe wenka, kandi kinu Baibuli nikyo eyeta ekibi. Okuruga obu, obumu bw'omuntu na Ruhanga bukasisikara. Kinu nikyeyoleka (i) omuntu obwayeremera Ruhanga, (ii) omuntu obwatafayo hali Ruhanga, (iii) omuntu obwatahika harulengo oruhikire orwa Ruhanga.

OMUNTU AKAHUKANA NA RUHANGA
"Ebyokutahikirra byanyu nibyo bibaganiize inywe na Ruhanga wanyu." (Isaya 59:23)

runy1

Ruhanga ali Arukwera baitu omuntu misiisi. Omuntu alengaho kuhika hali Ruhanga omu miringo etali emu, gamba nkokulinda ebiragiro, kuba wengeso nungi, nokuserra ebyamagezi n'ebindi, baitu tibimugasa habwokuba haroho ekiinongoro kikooto ekyekibi hagatiye na Ruhanga.

Ekiragiro ekyakasatu nikitwoleka nkoku haroho omuhanda gumu gwonka ogwokukirramu:

3. EKIRAGIRO EKYAKASATU

Ruhanga akahayo Yesu Kristo okuba omuhanda omuntu ogwarabamu okugaruka hali Ruhanga. Yesu Kristo akafa habwaitu. Omu Yesu honka omuntu nuho amanyira okugonza kwa Ruhanga nentegekaye habwobwomeezi bwawe.

AKAFA OMU KIIKARO KYAITU
"Baitu na Kristo akabonabonesibwa obw'ebibi omurundi gumu, ahikriire habwa abatali abahikiriire atuleta hali Ruhanga." (1 Petero 3:18)

AKAHUMBUKA NAHATI MWOMEEZI
"Kandi obuyamazire kusalizibwa yayeyoleka ayomiire halibo nobwokurorraho bwingi kandi yarorwaga ebiro amakumi ana, nagamba ebyobukama bwa Ruhanga." (Ebikorwa by Abakwenda 1:3)

NUWE WENKA MUHANDA
Yesu yamugambira ati, "Ninyowe muhanda n'amananu n'obwomeezi, busaho aija hali Isenyowe rundi arabire omuli nyowe." (Yohana 14:6)

runy2

Okufa kwa Yesu Kristo ha musalaba kukatinda ekiinongoro ekyekibi ekitwahukaniza na Ruhanga. Hati tunyina obugabe kwambuka n'okuhika owa Ruhanga.

Kumanya bumanya ebintu binu bisatu tikirukumara.

4.EKIRAGIRO EKYAKANA

Titusobora kumanya ekigendererwa kya Ruhanga habw'obwomeezi bwaitu rundi buli, buli omu aikirize Yesu Kristo kuba Mujuniwe kandi akamworobera nka Mukamawe.

NITUSEMERRA OKWIKIRIZA YESU KRISTO
"Baitu boona abamwikiriize akabaha obusobozi okufooka abaana ba Ruhanga."

YESU KRISTO OMU KWIKIRIZA
"Baitu mukajunwa habwembabazi obwokwikiriza,i kunu tibuli obwanyu inywenka; nikyo kisembo kya Ruhanga ekitaruga omu mirimo, omuntu weena aleke okwenyumiza." (Abefeso 2:8,9)

TWIKIRIZA YESU KRISTO OBUTUMUKINGURRA OKUTAHA OMU BWOMEZI BWAITU, BULl OMU
Kristo nagamba, "Dora nyemeriire ha rwigi ninyeranga: Omuntu weena obwalihurra iraka lyange nakinguraho orwigi nditaha namberali." (Okusukururw 3:20)


runy3N = NYOWE runy4

Oratahize Yesu Kristo omu bwomeezi bwawe?
Wakugondeze kutaahya Yesu Kristo omu bwomeezi bwawe?

Ebirukwongeraho nibisoborra nkoku orukusobora kutaahya Yesu Kristo omu bwomeezi bwawe:

NOSOBORA OKWIKIRIZA YESU KRISTO OKUTAAHA OMU BWOMEEZI BWAWE HATI BUNU, OMU KUSABA
(omu kusaba nuho tubaliza na Ruhanga)

Ruhanga tarukufaayo ebigambo ebyorukukozesa baitu amananu gomumutuma gwawe.
Nosobora kusaba oti:

Mukama wange Yesu Kristo ninkwetaaga. Nkingwire orwigi rwobwomeezi bwange otaheemu onjune. Webale kunganyira ebibi byange. Kuruga hati olemege obwomeezi bwange kandi onfole nkoku orukugonza. Amina.

Ekyokusaba kinu nikyoleka okwetaaga kwomutuma gwawe?
Obukiraaba nukwo kiri, saba oti nukwo Yesu Kristo ataahe omu bwomeezi bwawe.

BOONA ABAIKIRIZA YESU KRISTO KUTAAHA OMU BWOMEEZI BWABU RUHANGA ABAHA OBWOMEEZI OBUTAHWAHO

"Kandi kunu nukwo kumanyisa ngu Ruhanga akatuha obwomeezi otutahwaho, n'obwomeezi bunu buli omu Mwanawe. Ogu anyakwina Omwana nuwe anyina obwomeezi obu: atanyina Omwana wa Ruhanga tanyina obwomeezi obu." (Yohana 5:11-12)

NOMANYIRA NKAHA NGU YESU KRISTO ATAAHIRE OMU BWOMEEZI BWAWE?

Yesu Kristo nanihiza kutaaha omu bwomeezi bwogu weena anyakukinguraho orwigi. Iwe okingwirehoga orwigi rwobwomezi bwawe? Hati ali nkaha? Nogumiza nkaha ngu Ruhanga agarukiremu okusaba kwawe? Ruhanga wamananu kandi ekigambokye kyokwesiga. Nuwe wenka yagambire ati. "Tindikuleka nakake kunu tindikuhemukira nakake." (Abaheburaniya 13:5)

OKWEHULIRIZA OMU MUTUMA

Obwomeezi bw'Omukristo bubaho habwokwikiriza Ruhanga ebya baza naitwe omu kitabu Ekirukwera. Emirago ya Ruhanga nubwo obusobozi bwaitu. Ekisisani ky'egaali y'omwika kinu nikiragirra Baibuli, okwikiriza n'okwehuliriza nkoku bikorwa ahamu.

runy5

Egaali y'omwika enu nesobora okugenda nekiju kyomulinzi rundi obundi kitaroho. Tikisoboka egali enu okusikwa nokozesa ekiju kyomulinzi. Omu mulingo nugwo gumu abakristo tibesiga ikwehuliriza kwabu. Ntusemerra okuta okwikiriza kwaitu omu ebi Ruhanga ebyagamba omu Baibuli.

HATI OMZIRE OKWIKIRIZA KRISTO OMU BWOMEEZI BWAWE

Omu kasumi oikiririzaho Kristo, ebintu bingi bibaireho:

  1. Kristo amazire okutaaha omu bwomeezi bwawe. (Okusukururwa 3:20, Abakolosai 1:27)
  2. Ebibi byawe bimazire okuganyirwa. (Abakolosai 1:14)
  3. Hati ofokere Omwana we Ruhanga. (Yohana 1:12)
  4. Hati noija kutandika okumanya entegeka ya Ruhanga nekigendererwa kye habw'obwomeezi bwawe. (Yohana 10:10; 2 Abakolinso 5:14,15,17)

Nosobora okutekerezayo ekintu kyona ekikuru ekisobora kukuhikaho okukira okutunga Yesu? Wakugondeze okusiima Ruhanga hati omukusaba habweki ekyakukoliire? Okusiima Ruhanga nikiragirra okwikiriza kwawe.

HATI HASIGALIREKI?

EBYOKWETAAGA KUKURA OMU MWOYO

  • Baza na Ruhanga buli kiro omu kusab. (Yohana 15:7)
  • Leka Ruhanga abaze naiwe buli kiro omu kusoma ekigambokye, kandi kihondere. (Ebikorwa by'Abakwenda 17:11)
  • Terana n'abandi abataahize Yesu Kristo omu bwomeezi bwabu. (Abaheburaniya 10:25)
  • Manyisa abandi ebya Yesu Kristo, omu bikorwa byawe n'omu bigambo byawe. (Ebikorwa by'Abakwenda 1:8)
  • Yesiga Ruhanga omu byona. (1 Petero 5:7)
  • Ikiriza okwerobera Ruhanga buli kasumi. (Yohana 14:21)
ADDITIONAL ASSISTANCE