Manang zi m-byia ch๚ch๚k ma'bin zit-ka danyan swat nyinyang ani, ma anyawa Agwaza m-byia nvak naai nang zi myirn zi lyen ani, ka nang zi chat swat nyinyang mami ameang nzit-ka mang Agwaza.


1.VAK NYIUNG:Agwaza fak ada'nwan bat , awot A Si byia atsatsak kyang nang Gu lap asak A na nang ang ani!

Di sisak ji Agwaza wa n-fak ada 'nzit ani!

"Agwaza wu ku fak da'nyiet ma'tachya ba bat, huhwa si tyia A si nwuak Nggwon Ngu-ka, ka vwuon ma'zan ani, danyan amgbam atyu a nwuak fwuo da'nka ani a yok khu, awot a shya shichet sang sang-gbap."
(Yoh. 3:16)

Di atsaatsak kyang nang Agwaza lap asak ang dyo ani:

"Yesu Kristi nyia, "Kyang ku nang n bai 'ani huhwa hu. n bai n nwuak anyiet ba ajhyem shichet ba shya nhu ma'sat."
(Yohanna 10:10)

Amgbam mang anya anyiet madidit shya min tankai ajhyem shichet huni ma'tachya ka ba' danyan....


2. VAK FEANG: Atyubishi nyia akatuk nyia, huhwa si tyia asi shya zan a si bu swan kakang mang Agwaza.

Atyubishi yet atyu nyia akatuk wa:

"Ii, konyan uyia akatuk nyia, konyan si lat a shya shi Agwaza hu."
(Aromawa 3:23)

"Agwaza mat atyubishi ma'tachya ka danyan gu byia aging-ging ameang mang anggu. Awot atyubishi si khai a khui kyang nang gu chat ma'pyia ngu ani, mat anyawa m-byia aging-ging ameang mang Agwaz hu ku si tyat. Khui nkyang nang zi chat ani, mang lak byia akata nzit da'vwuo Gu, huhwa nang Azazarak Alyiat Agwaza wu n-gyei akatuk nyia wu: Amgbam zit, zi li nang zon-seap ja bwuk ani, konyan tyong zan a tyei vak gu-hu." (Ish 53:6)

Tyap1

Atyubishi shya zan a si bu swan kakang mang Agwaza:
Alyiat Agwaza nyia, "Zang akatuk nyia ji yet akhu kya." (Aromawa 6:23) (Swat kakang mang Agwaza huhwa yet akhu ka) Ghwughwu nani tak sangak nang Azazarak Agwaza n-byia ameang mang atyubishi a yet akatuk ayin ani ba! Ba swan kakang mang aghyang. Nhyet nfeang nani tak sangak nang atyubishi n-tyia alyia a kwan a nat da'vwuo Agwaza ma chet vam gu-hu ani, din vak nyia ta'da atyubishi mang khui, mang swat tsotswat, mang naai Agwaza, mang chong ladi mang akum kyang madidit adit. Nyian nkyang nani amgbam na na tyia atyubishi a shya shichet sang sang-gbap ba!. Vak tat huhwa shai ma'nzit sisak zi na m-bwuok nat da'vwuo Agwaza ani...


3. VAK TAT:. Vak ghyang n-shya ku na nat mang anzit Ma Agwaza ani ba!, mi Yesu Kristi wa manyin Gu. A ku khu danyan zit, Gu wa manyin Gu na tyia a lyen sisak ji nang Agwaza n-fak ada'nwan ani mang kyang nang Gu lap asak ang dyo ani.

Yesu khwu danyan zit:

"Agwaza ku tyiai nang gu n-fak ada'nzit ani, di sang-gak nang Yesu Kristi n-khu danyan zit neet nang zi ni yet akatuk anyiet ani." (Aromawa 5:8)

Yesu doot mang swuan ma'khu ka:

"...Yesu Kristi khu danyan akatuk nyia nzit..a si nyiat gu...awot atuk mam tat ka a si tangam gu a si doot mang swuan manang a ku n-dyuut mami Alyiat Agwaza na ani." (I Kor. 15:3-4)

Kang mang Yesu vak shya shichet ghyang s-shya ba

"Yesu hyia ani tazwa apyia gu, "Nung gwa n gyet vak, Nung gwa n-gyet achucbuk, Nung gwa n-gyet shichet. byia atyu a na bai da'vwuo Atyia nung ani ba!, maNung gwa manyin nu๑g ngyet yak hu."
(Yoh.14:6)

Tyap2

Ghwughwu nani shai mang anzit nang Agwaza wa manyin Gu na n-khuat zit A nat ndyo da'vwuo apyia Gu. A ku
nyia anya din jen nang Gu ku n-tam mang Nggwon Ngu-ka Yesu gu khu tazwa ateam akbu danyan akatuk

Awot lyen nvak nani n-tat manyin na, ku maai ba!...


4.VAK NAAI: Ku yet ta hwa konyan ma'nzit a nwuo khui Yesu Kristi A yet Atyusan ngu mang Agbandang Atyoli ngu. Anyawa m-byia gu n-swuo nyinyang di sang-gak Agwazah n-fak ada'nggu ani mang kyang nang Gu lap asak gu dyo ani

Ku yet ta hwa zi khui Yesu: "Amgbam anyiet ba ba san Gu ani, A jong ba awat ba yet mman Agwaza mat nwuak fwuo nang ba nwuak da'lyoot gu-ka ani" (Yo1:12)

Ku yet ta hwa zi nwuo khui Yesu di nwuak fwuo da'nggu

"Zi shya shichet sang sang-gbap mat chet vam hwa ba!, danyan shya nwuo ku yet kyang nang Agwaz nang nyin wa ani. Huhwa m-byia konyan ma'nzit gu yolc lywi firing ba!" (Afisawa 2:8-9)

Ka zi na nwuo khui Yesu, ku yet ta hwa zi yei Gu Gu bai Gu tsa amenang mang anzit:

"Di nung gwa n gyong azananyuo fwuo ang-ka, n tsot nyinyiit hu. Amgbam atyu a fak anwuat nung-ka, awot a si khuk nyinyiit fwuo gu-hu ani, n na nwuo mami n swan dundung mang anggu." (Abobwai 3:20) 

De sisak ji nang zi na n-nwuak fwuo da'Yesu ani

Zi shim mang Agwaza nang zi yet ayakatuk anyet zi bu shya ma'fwuo zi na shyak achyet nzit-ka zi wot akatuk nyia nzit-wu.

Zi nwuak fwuo da'Yesu nang Gu na jip ayakatuk nyia nzit-ba Gu bu nwuo a kpaat ameang mang anzit.

Zi ghwan Yesu a kwak ason mami shyak achyet nzit-ka nang zi n-khui.

Ghwughwu nani yet kidee atak tankai anyet afeang ani

Atyu a khui nkyang atachya Atyu wuni a khui nkyang atachya. Yesu ya tyok tazwa gu ba!. Badyundyung sakhat nani nya yet kidee nkyang atachya (kurum, byia alyoot, akanaan). Amgbam nkyang nani tyei atyubishi swat nyinyang mami ameang ngu-ka mang Agwaza ba!

 

Tyap 3

Atyu nang Yesu nyia tyok tazwa gu ani Atyu wuni yet atyu a shim a ghwan Yesu A nyia tyok tazwa kuzang kyang nang gu byia ma'swat ngu-hu ani. Huhwa m-byia a byia swat nyintyang mami ameang ngu-ka mang Agwaza..

 

Mami Ghwughwu afeang nani zang huhwa tak tankai nswat ang-hu?
Zang huhwa a chat a li nang anhu ani?

Di sisak nang a na n-nwuak fwuo da'Yesu Kristi ani...


Ka doot a nwuak fwuo da'vwuo Yesu Kristi

Ka a naai a si yorong Ngu nyia Gu bai Gu nwuo ma'fwuo ang-hu a kpaat ameang mang anwan nang Atyusan ang mang agbandang Atyoli ani, awot a nwuak achuchuk nyia A nwuo, anyawa bat ku na n-di. Agwaza lyen fwuo ang-hu zam, da nwan a si min daai gu ba!. Huhwa m-byia ku yet ta hwa a lyiat achuchuk marni naai Ngu-hu. Di tankai naai hu a na naai ani, huhwa hu:

Atyoli Yesu ai! N shim n si n-tyiai nang n nyia tyok taswa apyia nung n si nyia ang akatuk. N naai ang a nwuo  maifwuo nung-hu a kpaat ameang mang anung a jip akatuk nyia nung-wu. N chat A nyia tyok tazwa nung, a tyia nung n gyet anyiet afai. N gwai bat danyan A shim naai nung-hu. Ku swan anya

A chat a naai tankai naai huni hwa a? Ka huhwa nang a n-chat, Ka a naai Yesu na nwuo mi'fwuo ang-hu zam a kpaat ameang mang anwan manang Gu n-dap anu ka ani.

Di sisak ji nang a na n-dyen Yesu kan kpaat ameang mang anwan:
A kan nwuak fwu da'Yesu manin a? Yesu kan nwuo mi'fwuo ang-hu a si kpaat ameang mang anwan manini a? A nyia ni a si n-dyen? Nwuan lap anu Agwaza hu mami Abobwai Yohanna 3:20. Di yong huni ka doot a lyen nang Yesu n-kpaat ameang mang anwan danyan A lap anu nyia A na kpaat ka mang anwan. Ku myim a bu yorong Gu nyia Gu bu kpaat ka ba!, A wa kan kpaat ka zam! Fang 1 Yohanna 5:11-13 amanta ka ntung ani.

"Si-huni hwa yet kyang hu ku tak ani: Agwaza ku jong zit shichet sang sang-gbap, awot shichet huni a shyat hu da'vwuo Nggwon Agwaza Yesu Kristi wa. Konyan wa byia ameang mang Nggwon Agwaza ka, a byia shichet. Awot konyan wa lak shim a si kpaat ameang mang Nggwon Agwaza ka, a na shya shichet ba! Nyin anyiet nyi nwuak nfwuo nyin-na da'Yesu A yet Nggwon Agwaza ani, n dyuut nyin alyiat Agwaza nani, danyan nyi lyen zam nang nyi m-byia shichet sang sang-gbap.
(1.Yoh 5:11-13)

Di yong huni, gwai Agwaza danyan Yesu Kristi kan kpaat ameang mang anwan awot a lap anu nyia da a na- kai ang awot ba! (Abraniyawa 13:5). Kyang ku shya aja ani: Ka a fak nang a shyak ba!, a na nyia ni wa??


Zi yok feap adidam nzit-wu ba!:

Zi bang fwuo di lap anu Agwaza wu mami Alyiat gu-na, zi yok feap adidam nzit wu ba!. Atyu-khui ni swan swat bang fwuo di sisak ji nang gu n-hyiak da'Gwaza mang Alyiat ngu-na ani. Ghwughwu atyu kwak zon huni tak mang anzit sisak ji nang achuchuk, nwuak fwuo, mang feap adidam n-chong dundung ani. Atyu kwak zon li nang achuchuk wu a yet Agwaza mang Alyiat ngu-na ani. Aywan zon ka li nang nwuak fwuo da'Gwaza mang Alyiat ngu-na ani. Zon ji li nang feap adidam ani. Manang atyu kwak ason wu mang aywan zon ngu-ka kwak zon ji ani, ma anyawa ku myim achuchuk Agwaza mang nwuak fwuo nzit hu da'nggu ku kwak adidam zit hu nang gu n-khui. Zi lyen nang khui Yesu hu n-gyet nwuak fwuo da'nggu hwa, zi yok feap nkyang nang zi nwuan maghyi ani ba!  (1 Akor 5:7)

Jen nang a n-nwuo khui Yesu awot A si kpaat ameang mang anwan nkyang nghyang na bai‹di jhyang nya na:

  • Yesu nwuo mi'fwuo ang mang swat ang-hu (Abo 3:20)
  • Yesu jip akatuk nyia ang-wu (Ako1. 1:14;2:13)
  • A yet atyo nyiung ma mman Agwaza (Yoh 1:12)
  • A byia swuan sang sang-gbap (1 Yoh. 5:11-13)
  • A na nwuo byia ameang sang sang-gbap mang Agwaza awot a bu na swan ajhyem swat ma'sat nang Agwaza mat ang ani. (Yoh 10:10)

Amgbam nkyang nani mang vwai anu Agwaza madidit si nwan nya. Ku myim a fang na mami Azazarak Alyiat Agwaza. A lyuut mami Ntam Atam Yesu 17:11 aghyang anyet madidit ku yong ma di fang Alyiat Agwaza kuzang atuk danyan ba fik na ba li ka na yet atsatsak alyiat wa.

Ke kyang n-shya ku Ian byia ameang mang Yesu ka? Ku myim a gwai a bu dyep Agwa.za maninika di naai


Kyang na na tyia atyukhui ameang ameang mang Ysu ani

Kpaat akhukhut a naai Agwaza kuszank atuk (Luk 18:1)
Yong ma di fang Alyiat Agwaza na kuza'tuk (Bu. 119:11)
atsa fang hu mami Asham Alyiat nang Luka lyuut ani.
Nyia ntam mang Alyiat Agwaza na anchiring (Yoh 14:21)
Yok swat ang-hu mang alytat ang-na na tyia aniet ba ba byia fwuo di kpaat ameang mang Yesu (Luka 8:39)
Nkyang jhyijhyin nang a na nyia ani a bang fwuo da'Gwaza (1 Bit 5:7)

Shim a bu ghwan Azazarak nTswa wu A shya dundung mang anwan manini ani, Ji nyia tyok tazwa ang Ji bu jong ang chet swan swat ku myim Agwaza ani mang si-lin ama tazwa. Yesu ani (Agal. 1:16,17;Ntam Atam Yesu 1:8)

Agbandang kyang wa yet a mun apyia mang akum anyiet-khui ka, danyan a ki mbeang lyen Yesu hu (Abr 10:25). Ku myim a chat avwuo nang a n-kau Yesu shii, a si bu shim Alyiat Ngu-na ani a yong ma di chong n-kok Agwaza ntong, a bu tak mang ayin Asham A1yiat kani!


ADDITIONAL ASSISTANCE